·Publicidade ·spot_img
InicioO MorrazoMarínMarín volve conseguir o distintivo de Bandeira Azul para todos os seus...

Marín volve conseguir o distintivo de Bandeira Azul para todos os seus grandes areais

Marín aumenta o gasto nas praias do municipio co fin de que sexan seguras fronte á crise da Covid19Portocelo, Mogor, Aguete, Loira e O Santo-A Coviña volven recibir esta distinción que marca a calidade ecolóxica e turística do noso litoral

As praias de Marín volven ser merecedoras do certificado de Bandeira Azul outorgado pola Adeac. Portocelo, Mogor, Aguete, Loira, O Santo-A Coviña revalidan este distintivo de excelencia medioambiental, que premia non só a calidade das augas dos areais de Marín, senón tamén a prestación de servizos e de comodidades para os usuarios.

Mellorar a sostibilidade do turismo e conseguir unha relación respectuosa co Medio Ambiente son dous obxectivos importantes que persegue o Concello. Segundo explicaron fontes municipais, “para nós é importante revalidar a distinción porque demostra que traballamos seguindo criterios de sostibilidade, respectuosos e que ofrecemos un turismo e uns servizos sustentables, acordes coa nosa filosofía de defensa da contorna”.

“Somos conscientes de que vivimos nunha paraxe única, que debemos coidar a preservar –  explicaron desde o Concello – e seguiremos traballando para continuar coidando as nosas praias etoda a nosa contorna, ofrecendo á súa vez servizos públicos de calidade, de accesibilidade e de xestión do espazo público”.

A Bandeira Azul converteuse no símbolo máis recoñecible para os millóns de usuarios de areias, convertido nun estándar mundial de ecocalidad turística.

 

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies