Marín é música”, celebrará a súa primeira edición o 9 de outubro co rapeiro madrileño Rayden como cabeza de cartel, no que será o seu único concerto en Galicia este ano
Esta nova iniciativa conta con subvención da Consellería de Cultura, Educación e Universidade a través dunha convocatoria extraordinaria para espectáculos musicais dentro da programación do Xacobeo 21-22.
O Museo Municipal Manuel Torres acolleu a presentación deste programa noo que participaron o director da Axencia Galega das Industrias Culturais (Agadic), Jacobo Sutil, María Ramallo, alcaldesa de Marín e Jordi Lauren, de PlayPlan Cultural, organizadora do evento.
Ademais de Rayden, quen presentará en Marín o seu último e exitoso álbum de estudio, Homónimo, tamén subirá ao escenario que se instalará no Parque Azul o rapeiro galego García Mc, á fronte de Nación Quilombo. Dende o mércores está activada a venda de entradas a través da web www.enterticket.es.
