A concelleira de Cultura e Educación, Mar Rey, o concelleiro de Obras, Servizos e Urbanismo; Servizos Sociais, Terceira Idade e Sanidade, Enrique Oubiña, visitaron onte o CPI Julia Becerra Malvar para comprobar o estado das instalacións e para recoller as suxestións por parte do equipo directivo do colexio e representantes da ANPA.
O equipo do centro escolar trasladou suxerencias e peticións ós concelleiros
Esta visita efectúase despois de que o equipo de goberno aprobara no pleno extraordinario celebrado o pasado martes a adxudicación da obra de reforma de edificio para ximnasio e de servizos escolares.
Na visita, ademais de estudar conxuntamente a situación actual na que se atopa o colexio e as súas instalacións, estudouse tamén o proxecto do novo parque infantil. Esta obra, cuxo presuposto se estipulou no pleno extraordinario do martes mediante un expediente de modificación de crédito, conta con unha partida presupuestaria de 50.398,50€, dos cales 17.076,50 corresponderán ó Concello e 33.320€ á Xunta. Neste momento atópase no proceso de adxudicación e está estipulado que estea finalizado antes do 30 de setembro.
Bolsas de material escolar
Por outro lado, o Concello de Ribadumia ven de convocar as Bolsas de material escolar para Educación Infantil, Educación Primaria e Educación Secundaria para o curso 2015/2016.
Abre a inscrición para percibir Bolsas de material escolar para Educación Infantil, Educación Primaria e Educación Secundaria para o curso 2015/2016
O requisito principal para poder acceder a esta axuda é estar empadroado en Ribadumia. Ademais, é imprescindible estar cursando estudos de segundo cliclo de Educación Infantil, Educación Primaria ou Educación Secundaria; así coma non estar percibindo axudas polo mesmo concepto de outros organismos públicos ou privados.
Ademais, os beneficiarios non poderán superar o límite de ingresos requirido, que poderá rondar entre os 7.743 e 12.389€ dependendo do número de familiares que habiten no fogar.
Esta prestación, destinada a afrontar os gastos que xera a dotación de libros de texto (só para educación infantil), material escolar e vestiario, aporta unha contía de 80€en infantil e 70€ para Educación Primaria e Secundaria.
O prazo para presentar solicitudes xa está aberto e remata o 5 de agosto.
