Inicio Pontevedra Arousa Mar mellora a seguridade vial en dous novos tramos do porto de...

Mar mellora a seguridade vial en dous novos tramos do porto de Vilaxoán, en Vilagarcía de Arousa

mar-mellora-a-seguridade-vial-en-dous-novos-tramos-do-porto-de-vilaxoan-en-vilagarcia-de-arousa

Portos de Galicia vén de investir preto de 20.000 euros na reparación da escollera lateral que soporta por un dos lados un camiño auxiliar

A Consellería do Mar, a través do ente público Portos de Galicia, vén de mellorar a seguridade vial en dous novos tramos do porto de Vilaxoán, no municipio pontevedrés de Vilagarcía. Así o confirmou esta mañá o presidente do ente público, José Juan Durán, nunha visita realizada á zona na que o departamento investiu preto de 20.000 euros.

As actuacións executadas consistiron na reparación da escollera lateral que soporta por un dos lados un camiño auxiliar e o seu reafirmado. Tamén se reparou o pavimento na zona localizada entre o peirao pesqueiro e o edificio do Intecmar que presentaba varios afundimentos nunha superficie duns 160 metros cadrados, ambos ubicados na zona portuaria de Vilaxoán. Deste xeito, refórzase a seguridade para o tránsito rodado na zona e melloran as condicións de actividade e traballo dos usuarios do porto.

Recentemente neste peirao foron investidos 35.000 euros na construción de 4.000 metros cadrados de novo asfalto para o que se procedeu ao fresado do firme existente e retirada do material resultante ao vertedoiro autorizado. Ademais, repuxéronse todas as marcas viais preexistentes e instaláronse lombos de redución de velocidade previos aos pasos de peóns. Os traballos supuxeron tamén a reparación e posta a nivel de todos os rexistros de sumidoiros existentes de cara a minimizar riscos para a circulación.

- Publicidade -

ÚLTIMA REVISTA

+ VISTOS

SÍGUENOS

693FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies