A sala Rosalía de Castro da sede da Deputación de Pontevedra en Vigo acolleu onte a presentación do libro Álvarez (1922-2002): Emporio de cerámica y vidrio, de Joaquín J. Valeiras e publicado polo Instituto de Estudios Vigueses
Joaquín J. Valeiras traballou case 30 anos en Álvarez e polas súas mans pasaron vaixelas de porcelana únicas, participou nos deseños e viaxou en numerosas ocasións en representación da empresa, como cando visitaba a feira do fogar Frankfurt, onde tiñan unha caseta permanente por ser referentes no sector.
Durante a súa intervención, fixo un breve repaso sobre os contidos, lembrando que durante os 5 anos que lle dedicou a investigar e recopilar a información necesaria para esta publicación, contou coa colaboración de moitos dos antiguoas empregados.
Mostrouse moi crítico con todos os que ao longo da historia tiveron algo que ver a esta empresa e lembrou con afecto a Moisés Álvarez Ou´Farril, o último gran patrón da firma e o que o contratou persoalmente cunha clara misión: a adecuación da rede de establecementos do grupo
O autor estivo acompañado durante a presentación polo presidente do Instituto de Estudos Vigueses, o prologista e a presidenta da Deputación de Pontevedra, Carmela Siva. O acto contou coa asistencia de numeroso público entre os que se atopaban tamén, antigos empregados da histórica firma
