Inicio Val Miñor Nigrán Gran asistencia de público no Esteiro da Foz na primeira xornada do...

Gran asistencia de público no Esteiro da Foz na primeira xornada do NigránJazz

gran-asistencia-publico-no-esteiro-da-foz-na-primeira-xornada-do-nigranjazzPese á poalla,  o Esteiro da Foz encheuse para ver aos cuartetos de Michael Kanan e Gonçalo Leonardo. Hoxe é o turno do aclamado pianista Kevin Hays, gran estrela  desta edición, e dos galegos Virxilio da Silva e Abe Rábade

Máis de mil persoas (segundo os organizadores), acudiron onte á primeira xornada da undécima  edición do Nigranjazz no esteiro de A Foz (A Ramallosa) para desfrutar do  cuarteto liderado polo pianista estadounidense Michael Kannan e o vibrafonista español Jorge Rossy, que foron precedidos do tamén cuarteto encabezado polo contrabaixista portugués  Gonçalo Leonardo. Pese á poalla, o público permaneceu fiel durante os dous concertos e moitos se animaron a seguir na jam-session posterior que abriu Carlos Gil Trío e que se prolongou ata altas horas. Ademáis, miles de persoas desfrutaron da comida gourmet na feira gastronómica itinerante ‘Rilla na Rúa’, que permanece ata o domingo en todo o paseo de A Foz.

O festival continúa hoxe coa actuación estelar do pianista americano Kevin Hays no seu único concerto en Europa co seu trío. Previamente, dende ás 21.00 horas,   o público do Nigranjazz terá a oportunidade única de desfrutar do dúo formado para a ocasión polo pianista Abe Rábade e o guitarrista Virxilio da Silva, os dous músicos galegos máis relevantes no panorama nacional, que homenaxearán xuntos a histórica colaboración entre o pianista Bill Evans e o guitarrist Jim Hall. Finalmente.

‘Rilla na rúa’ porá tamén o seu punto de animación ao Nigranjazz ofrecendo a actuación de ‘The Alley Stompers’ ás 19:30 horas no Auditorio de A Foz. Trátase dunha formación  ao máis puro estilo das Brass Bands americanas que tocará en directo para bailaríns de swing. A formación representa unha viaxe atrás no tempo, recreando a atmósfera de New Orleans dos anos 20 ou 30, unha época en que o jazz se afirmou como música popular. O francés Wilfried Wilde ao banjo, Óscar Prieto á tuba e Chus Pazos á batería, forman unha sección rítmica de luxo, que acompaña ao saxofonista siciliano Rosolino Marinello e ao crooner e saxofonista Toño Otero que, coa súa voz tenor aterciopelada, transmite un auténtico son de época.

Ademáis, ata o domingo ‘Rilla na Rúa’ traerá concertos, obradoiros, espectáculos… Calquera que se achegue estes días ao Paseo da Ramallosa poderá gozar de distintas propostas gastronómicas, música swing, djs e actividades familiares, como o cabaret infantil de Nelson Quinteiro. Nesta segunda edición participan 4 novas caravanas con propostas diferentes co obxectivo de dar un mellor servizo e variedade ao gran público  que se prevé, así, se incorporarán ‘Km Fuego’, comida desenfadada con toques orientais; ‘LaconLover’, propostas gastronómicas co porco (especialmente o lacón) como protagonista; ‘Misco-midas’, cociña de autor con fusión canaria; ‘Bendita Atabaka’, cocina vasca canalla e, finalmente, na zona do festival Nigranjazz estará ‘Crepe Cabaret’ con crepes doces e salgados.

PROGRAMA DO NIGRANJAZZ

 

Sábado 29 de Xullo

 Paseo da Foz do Miñor:

 19:30: Swing Session con The Alley Stompers

 Auditorio da Foz do Miñor:

 21:00: Abe Rábade & Virxilio da Silva: “Bill Evans & Jim Hall”

22:30: Kevin Hays New Day Trío

24:00: Jam Sesion

 

 

 

 

- Publicidade -

ÚLTIMA REVISTA

+ VISTOS

SÍGUENOS

693FansGóstame
311SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies