Inicio Val Miñor Baiona Gran animación durante toda a xornada en Sabarís na celebración do seu...

Gran animación durante toda a xornada en Sabarís na celebración do seu I Mercado Medieval

gran-animacion-durante-toda-a-xornada-en-sabaris-na-celebracion-do-seu-i-mercado-medievalO I Mercado Medieval Sabaryz ofreceu actuacións, pasarrúas e unha feira con máis de 80 artesáns

Miles de persoas abarrotaron este domingo a parroquia baionesa de Sabarís para conmemorar o 520 aniversario da fundación do seu mercado. O I Mercado Medieval Sabaryz rexistrou unha gran animación durante toda a xornada con actuacións e unha feira de artesáns e antigüidades.

Disparos de salvas, pasarrúas, grupos de gaitas, mercado medieval con artesanía e anticuarios, espectáculo de fogos, actuacións cómicas e circenses… Sabarís foi este domingo unha festa histórica en lembranza da autorización recibida dos Reis Católicos en 1497.

gran-animacion-durante-toda-a-xornada-en-sabaris-na-celebracion-do-seu-i-mercado-medieval

O Concello de Baiona organizou todos os actos en coordinación cos colectivos Coemsa (Asociación de Comerciantes e Empresarios de Sabarís), Castro e Ladeira (Asociación de Veciños) e Encaixamos (Asociación de Persoas con Discapacidade do Val Miñor) .

Os actos comezaron ás dez da mañá do domingo co disparo de salvas e continuaron cun pasarrúas e o desfile inaugural amenizado polo grupo Trip Malabart. Ás 12:00 horas actuou o grupo de gaitas A Seneira de Baiona e as 13:00 horas, na Praza Victoria Cadaval, celebrouse o acto inaugural de apertura do mercado medieval. Ás 13:15 horas foi o momento da exhibición circense con malabares, acrobacias, teatro e clown, mentres que xa pola tarde continuaron as actuacións e os espectáculos de fogo. O Mercado de Sabaryz pechou ás 21:00 horas.

gran-animacion-durante-toda-a-xornada-en-sabaris-na-celebracion-do-seu-i-mercado-medievalMercado de artesanía e cortes de tráfico

O núcleo central da feira foi a Praza Victoria Cadaval e ao longo da rúa Julián Valverde se instalaron máis de 80 postos de artesáns, todos eles con produtos de elaboración propia, e anticuarios. Ademais, os establecementos hostaleiros foron os encargados da oferta gastronómica. Tamén houbo postos dos colectivos Castro e Ladeira e Encaixamos.

Privilexio dos Reis Católicos

A primeira referencia documentada do Mercado de Sabarís data do ano 1497, cando os Reis Católicos concederon o privilexio á Real Vila de Baiona para celebrar un “mercado de mantenimientos de pan y de vino en Monterreal” co obxectivo de estimular e reforzar a repoboación da Fortaleza. “A partires de entón o Monterreal disporía dun mercado que non era do agrado e nunca gozou do interese dos veciños e feirantes por encontrarse nunha zona que non era a máis adecuada para eles polo seu difícil acceso”, explica Cristina Vilar Misa, directora do Arquivo Histórico e a Biblioteca Municipal de Baiona.

A documentación analizada pola directora confirma que Sabarís sempre foi o lugar elixido polos veciños e feirantes. “Mentres celebrábase o mercado nas rúas intramuros (Plaça y Rúa del Malcozynado), feirantes e regateiras queixábanse en diferentes puntos de extramuros, como na Vila Vella, o Burgo e na calzada de Sabarís. Durante 400 anos a pugna por establecer o mercado fóra da Fortaleza foi constante”, engade Cristina Vilar.

No último terzo do século XIX a Fortificación do Monterreal foi declarada en ruína, polo que aquela feira é a mesma que hoxe en día celébrase en Sabarís. Pero o vasto e rico Arquivo Histórico de Baiona amosa tamén outros apuntes de interese. “Houbo peticións á Coroa no século XVI por parte do correxidor da Vila para que se estableceran dúas feiras francas, ambas extramuros. Unha delas na ermita do Burgo e  outra en Nosa Señora de Cela (Baredo), aínda que non temos constancia ata o de agora de que ningunha delas chegase a celebrarse”, apunta a directora do Arquivo Municipal.

- Publicidade -

ÚLTIMA REVISTA

+ VISTOS

SÍGUENOS

680FansGóstame
284SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies