Os 4.200 metros cadrados da rosaleira Praza do Calvario, acollerán un ano máis a Feira do Viño, que neste 2017 celebra a súa 25 edición.
Hoxe o Lagar de As Eiras acolleu a presentación da edicíon nº 25 da Feira do Viño do Rosal (datas 14-15-16 de xullo) e da I Feira do Mirabel ( a celebrar o 30 de xullo). O alcalde do Rosal, Jesús Mª Fernández, a concelleira de Cultura, Charo Tabales, o concelleiro de Deportes, Ángel Martínez e a pregoeira Rosa Ruiz.
Dende o venres 14 de xullo até o domingo 16 os visitantes terán a posibilidade de degustar os mellores caldos das adegas da zona. O evento contará coa presenza de expertos e profesionais que salientarán as bondades gastronómicas destes produtos de excelencia baixo a Denominación de Orixe Rías Baixas. Música, teatro, danza e deportes populares poñerán as cores locais a esta festa da vitivinicultura galega.
Participarán diez bodegas e seis restaurantes que ofertarán a gastronomía propia da zona
Nomeada Festa Turística de Interese pola Xunta de Galicia, a feira contará cun servizo de transporte en autobús que facilitará a chegada de visitantes dende A Guarda, Tui e Baiona. Para os máis pequenos, haberá ocio e diversión con inchables e obradoiros gratuítos.
A inauguración terá lugar ás 20 horas do día venres por parte do Presidente do Consello Superior de Deportes, José Ramón Lete Lasa. A continuación a adegueira Rosa Ruíz Puga desenvolverá o pregón que dará inicio ás actividades que durante tres xornadas darán vida á feira.
O día do peche final está programada unha andaina de 10 Km e unha carreira con igual distancia para nenos e adultos. Actividade aberta, na que o público interesado en participar deberá facer unha previa inscrición na web www.10korosal.com .
RELACION DE PARTICIPANTES FEIRA 2017
- Pedregales
- Gaudila
- Altos de Torona
- Gran Novás
- Quinta Couselo
- Santiago Ruiz
- Lagar de Cervera
- Valmiñor
- Terras Gauda
- A Rosaleira
- Ginabelle
- Pazo Valdomiño
- Cazapitas
- Mirabel do Rosal – Alén do Val
- Consello Regulador e Ruta do Viño Rias Baixas
EXPOSICIÓNS do 14 ao 25 de xullo na Sala de Exposicións do Concello e local anexo.
HORARIO:
De luns a venres: de 11:00 a 13:00 horas
Sábados, domingos e festivos: de 11 a 13:00 e de 20 a 22 horas
Mostras de Escultura, Pintura, Fotografía e Carteis anunciadores destes XXV anos de Feira.
XIV Mostra Numismática e Filatélica do Grupo “Val do Rosal” que este ano en conmemoración da XXV edición da feira do viño editaron un matasellos e sello para a ocasión. Alfonso (986 625682 e 659298335)
