Tomiño acolleu unhas xornadas para falar da importancia na estratexia comercial da comunicación dixital das do rural , celebradas onte á tarde no Concello de Tomiño, ccontou coa asistencia da presidenta da Deputación, Carmela Silva, e da alcaldesa de Tomiño, Sandra González, entre outras autoridades.
No contexto de globalización mundial no que nos atopamos, asegurar a competitividade das empresas pasa por ser visible no mundo 2.0. Así pois, dispor dunha boa estratexia de comunicación e dotala de contido de calidade e creativo, é básico para asegurar o posicionamento e así contribuír a incrementar os beneficios da actividade empresarial. É por isto que acuBam, a Asociación de Cultivos Baixo Miño, en colaboración con ABANCA, VEMARGALICIA, Concello de Tomiño e Deputación de Pontevedra, organizou a Xornada “A importancia da comunicación dixital nas estratexias comerciais das empresas”.
Neste foro se traballaron aspectos tales como: O valor da comunicación realizada polas persoas: como comunicar de forma efectiva A Comunicación Dixital en Estratexias Empresariais como factor de diferenciación: “A importancia da presenza online para as empresas
A xornada deu comezo coa benvida da Alcaldesa de Tomiño, Dª Sandra González, quen apoiou de maneira continua ao sector agro da comarca nos últimos anos, e resaltou a importancia do traballo conxunto das empresas asociadas a acuBam e felicitou polo bo facer dende a asociación.
Presidiu a xornada a Presidenta da Deputación de Pontevedra, Dª Carmela Silva, quen animou ás empresas do sector a adentrarse no mundo dixital e suliñou a importancia de que deben posicionarse sen medo nos medios online.
Presidiu a xornada a Presidenta da Deputación de Pontevedra, Dª Carmela Silva, quen animou ás empresas do sector a adentrarse no mundo dixital e suliñou a importancia de que deben posicionarse sen medo nos medios online. Asimesmo salientou e felicitou ás empresas que forman acuBam, pola colaboración que realizan de xeito conxunto, acadando deste xeito maiores resultados para o sector.
Contouse tamén coa presenza doutras autoridades coma a Alcaldesa do Rosal Dª Mª Carmen Alonso, así como doutras administracións coma o IGAPE ou ADETO.
Dende a Xunta Directiva de acuBam levouse a cabo a presentación da nova web (http://acubam.org/), explicando as principais melloras da plataforma e facilidades para os asociados en relación ao acceso da documentación e información relevante para o sector. Ademais, esta nova plataforma permite acceder ás páxinas webs individuais de cada empresa asociada, mellorando o posicionamento tanto da web da asociación como a dos seus asociados.
Chío Infante, CMO en Venditos-Axencia Creativa, ofreceu unha sesión práctica na que trasladou as chaves para usar a creatividade como factor diferencial nas estratexias de comunicación das empresas.
Ademais, dende a Deputación de Pontevedra se contou coa participación de Esther Garciñuno, asesora TIC do Programa SmartPeme, quen abordou a súa ponencia desde a prisma da era dixital e das ferramentas TIC que están ao alcance das empresas para potenciar a efectividade dos seus procesos de comunicación.
Finalmente, a xornada pechouse cunha mesa redonda aberta a tódolos asistentes, os cales puideron interactuar cos invitados da mesma: Rita Álvarez, da Floristería Las Flores de Rita e Jose Collazo, de Viveiros Río Tollo, empresas ambas ubicadas na Comarca do Baixo Miño, as cales transmitiron a súa experiencia no deseño e posta en marcha dun plan de comunicación dixital, e levaron á sala os beneficios e retornos que execución deste plan está a reportar en termos económicos nas súas empresas.
A xornada pechouse cun viño no Mercado de Tomiño, onde os asistentes puideron compartir opinións nun espazo máis distendido e aberto.
