O Torneo de baloncesto ‘Xogando pola igualdade’ terá lugar este fin de semana, 18 e 19 de xuño, en Gondomar.
O Club de Baloncesto Nigrán, en colaboración co Concello de Gondomar, organiza un torneo de baloncesto no pavillón municipal baixo o lema “Xogando pola igualdade”.
O obxectivo deste torneo é que os nenos e nenas xoguen e compartan a pelota en prol de visibilizar a igualdade no deporte.
O 18 pola maña, de 10:00h. a 13:00h., terá lugar unha xornada de portas abertas para os colexios de Gondomar e Nigrán. Faranse equipos mixtos para xogar por cursos e categorías, e cada equipo levará o nome dunha muller deportista relevante. Pola tarde comezará o torneo, de 16:30h. a 18:00h. xogará a categoría “baby”, e de 18:20h. a 20:00h. a categoría benxamín.
O día seguinte, domingo 19, as 11:00h. xogará a categoría alevín, e pola tarde, ás 17:00h. a categoría junior. O evento contará coa entrega de premios por parte do alcalde de Gondomar, Paco Ferreira, a concelleira de deportes e algunhas mulleres destacadas no mundo do deporte.
NOTA: Nesta iniciativa participan colexios da Área Metropolitana. De Gondomar o CEIP Chano Piñeiro, o Souto-Donas, o Serra-Vincios e o Neira Vilas.
De Nigrán, o CEIP Humberto Juanes, o Carlos Casares, o Cruz Camos e o CPI Panxón. Por último, de Vigo participará o colexio Divino Salvador e o Club de Baloncesto Rías Baixas.
