En 1971 por solicitude da Confederación Europea de Agricultura, os estados membros da FAO (Organización das Nacións Unidas para a Agricultura e a Alimentación) aceptaron que todos os 21 de marzo, a partir dese ano, se celebrase o Día Forestal Mundial, tamén chamado Día Internacional dos Bosques.
A data representa o primeiro día de outono no hemisferio sur e o primeiro día de primavera no hemisferio norte, co fin de poder imprimirlle un carácter simultáneo en todo o mundo. Son moitos os países que apoian esta iniciativa.
