A Deputación de Pontevedra concretou o Calendario de Exposicións da Camelia para o ano 2015 que organiza conxuntamente coa Sociedade Española da Camelia. Das 23 mostras que terán lugar en Galicia, 15 celebraránse na provincia de Pontevedra
O calendario iniciarase os días 24-25 de xaneiro en Domaio e seguirá o 31-1 de febreiro en Rubiáns (Vilagarcía)
No mes de febreiro haberá exposicións en A Rocha (Santiago) (7-8), Tomiño (14-15), aeroporto de Vigo (21-22), Cuntis (22), Vedra (28-1) e Valga (28-1).
En marzo, terán lugar mostras da Camelia no Mosteiro de Lérez (Pontevedra) (7-8), Salceda de Caselas (7-8), Vilagarcía (14-15), Campolongo (17), Soutomaior (21-22), Narón (21-22), Pontevedra-Gala Camelia no Camiño no Galicia Palace (28), Ponteareas (28-29), Turón (Asturias) (28-29) e Mosteiro do Carmen (Padrón) (28-29)
No mes de abril, as exposicións serán en Sanxenxo (2-3), Pazo de Fonseca (Santiago) (3-4), Lugo (11), Torneiros (Porriño) e Boiro (A Coruña) (12-13).
As exposicións son un novo impulso á Ruta das Camelias, un novo atractivo do Turismo das Emocións e das Sensacións que a Deputación creou coa Secretaría Xeral do Turismo.
No percorrido que a Ruta posibilita do norte ao sur de Galicia a través de doce pazos e xardins, públicos e privados, oito deles radícanse en Pontevedra. Son os de Oca (A Estrada), Rubiáns (Vilagarcía), Quinteiro da Cruz e A Saleta (Meis), Lourizán (Pontevedra), Soutomaior e o Parque do Castro e Museo Quiñones de León (Vigo).
Neles, pódense contemplar 8.000 variedades desta flor en singulares elementos do Patrimonio da provincia.
