·Publicidade ·spot_img
InicioGaliciaConstituido oficialmente o Comité Camelia Galicia co obxectivo de ordear, consolidar e...

Constituido oficialmente o Comité Camelia Galicia co obxectivo de ordear, consolidar e profesionalizar este produto turístico único

Constituido oficialmente o Comité Camelia Galicia co obxectivo de ordear, consolidar e profesionalizar este produto turístico únicoO comité será o encargado, entre outras funcións, de validar as solicitudes de novas incorporacións de xardíns de camelias ou doutros recursos turísticos asociados

A directora de Turismo de Galicia, Nava Castro, presidiu onte, a constitución e primeira xuntanza do Comité Camelia Galicia, creado ao abeiro na Orde do 25 de maio de 2020 pola que se establece a ordenación da Ruta dos Xardíns da Camelia. A creación deste órgano permite establecer unha folla de ruta para a promoción, desenvolvemento e consolidación dun dos produtos turísticos máis orixinais e diferenciais do destino Galicia. Tamén asistiron a directora xeral de Patrimonio Natural, Belén do Campo, a directora xeral de Patrimonio Cultural, María del Carmen Martínez Insúa e a presidenta da Sociedad Española de la Camelia, Carmen Salinero.

Así o puxo en valor a directora de Turismo de Galicia, quen destacou a calidade da ducia de xardíns públicos e privados que conforman ata agora a Ruta dos Xardíns da Camelia ofrecendo “unha das mellores coleccións de camelia do mundo en contornas privilexiadas que nos permiten gozar dun patrimonio histórico artístico e natural de enorme beleza”.

Castro destacou, ademais, que a Ruta dos Xardíns da Camelia é un produto turístico diferencial do destino cunha alta capacidade desestacionalizadora que permite que Galicia avance como destino de referencia no turismo de xardíns ao tempo que axuda á sustentabilidade do seu patrimonio.

Despois de máis de 15 anos traballando neste produto, a Xunta da agora un paso máis na súa profesionalización coa creación deste órgano, que terá como principais cometidos validar as solicitudes de novas incorporacións á Ruta, que poderán ser na modalidade de “xardín de camelias” ou como “recurso turístico asociado”, unha modalidade de nova creación que permitirá incorporar aqueles recursos turísticos que conten con xardíns e que respondan a uns criterios equilibrados e harmoniosos de ordenación, estética e paisaxística e cun número mínimo de seis árbores de camelia ou ben dun só exemplar de características especiais e senlleiras.

Representación internacional

O comité que terá que valorar o cumprimento destes criterios, así como fomentar, promocionar e consolidar esta Ruta, quedou constituído por 13 entidades que abarcan todos os axentes implicados neste recurso turístico entre as que se contan institucións, organismos, asociacións e profesionais do sector do paisaxismo: Xunta de Galicia Xunta de Galicia a través da Vicepresidencia Primeira, Axencia Turismo de Galicia; a Consellería de Cultura, Educación e Universidade e a Consellería de Medio Ambiente, Territorio e Vivenda; as Deputacións da Coruña e Pontevedra; Sociedad Española de la Camelia; International Camellia Society; Clúster Turismo de Galicia; Asociacións de empresarios produtores de camelia; CRTVG, así como unha representación dos propietarios de casas e xardíns históricos galegos e profesionais do sector paisaxismo a través da Escola Galega da Paisaxe – Fundación Juana de Vega.

A constitución oficial do Comité Camelia Galicia tivo lugar precisamente nun dos xardíns que forman parte da Ruta, o Pazo de Rubiáns, nun encontro no que tamén se abordou a posibilidade de que a Ruta dos Xardíns da Camelia se adhira á Ruta Cultural Europea de Xardíns Históricos, incrementando así a visibilidade internacional das camelias en Galicia, que é o segundo lugar do mundo, despois de Xapón, con máis variedades desta planta, ao albergar máis de 200 especies e preto de 30.000 variedades diferentes.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies