Un total de catro mozos dos 15 que participaron no curso gratuito de soldador MIG-MAG homologado de 152 horas de formación, financiado polo Concello de Gondomar cun investimento de máis 14.000 euros, asinaron xa o seu primeiro contrato laboral.
Os catro rapaces xa comezaron a traballar para as empresas onde realizaron as prácticas deste curso, que impartido pola Fundación Galega do Metal, acaba de finalizar. O alcalde de de Gondomar, Paco Ferreira, presidiu a entrega de diplomas a estes novas que completaron 112 horas de formación teórica ás que suman outras 120 de prácticas en empresas do sector situadas nos polígonos da Pasaxe e Vigo.
Os alumnos realizaron tamén a proba de homologación que acredita a súa capacitación laboral e recibiron formación en prevención de riscos laborais, con especial atención ao sector naval, no van desenvolver as súas tarefas profesionais, o que lles facilita o acceso inmediato ao comprado laboral. Ademais dos contidos teóricos o curso buscou a forma de complementar este tipo de formación cun programa máis amplo e cun período de prácticas non laborais en empresas, para propiciar a súa inmersión o mundo laboral.
Trátase ademais un programa formativo “completo e prometedor”, xa que catro dos quince alumnos que asistiron ao curso, “non puideron estar nesta entrega de diplomas por estar a realizar a súa xornada laboral nas empresas para as que xa están a traballar”,, destacou o alcalde.
Co desenvolvemento desta acción formativa, o Concello de Gondomar realiza unha aposta firme pola formación e a creación de emprego para os mozos, para propiciar a súa integración no mercado laboral, en sectores produtivos punteiros como o naval, onde as empresas demandan persoal laboral.
