Inicio Galicia "Brasilia sem fronteiras", membros do programa visitaron onte as instalacións do Centro...

“Brasilia sem fronteiras”, membros do programa visitaron onte as instalacións do Centro Superior de Hostelería de Galicia (CSHG)

Brasilia co Nava Castro

A directora de Turismo de Galicia, Nava Castro Domínguez, recibiu hoxe no Centro Superior de Hostelería de Galicia (CSHG) aos docentes e aos mozos e mozos que desde a primeira semana de agosto participan no programa académico `Brasilia sem fronteiras’, e que esta tarde rematan as actividades coa visita ás instalacións deste centro de estudos dependente de Turismo de Galicia.

Brasilia sem fornteiras` é un programa de formación académica organizado polo departamento de Cursos Internacionais da Univesidade de Santiago de Compostela en colaboración co Goberno do Distrito Federal de Brasilia (Brasil), no que participan mozas e mozos brasileiros.

Na súa estadía, Nava Castro, acompañada pola directora de Formación de Turismo de Galicia, Patricia Cuevas, explicoulles aos visitantes o funcionamento do CSHG ao tempo que percorrían as instalacións do mesmo.

Na visita, a directora de Turismo de Galicia fixo un repaso polo catálogo de estudos que ofrece o CSHG, tanto no ámbito da xestión hostaleira como no relativo á formación en cociña. Nava Castro mostroulles tamén aos estudantes brasileiros parte do aulario e os talleres formativos cos que conta este centro docente.

Ademais da formación académica, dende a primeira semana de agosto veñen realizando visitas didácticas a distintas empresas e entidades docentes galegas que rematan hoxe coa visita do Centro Superior de Hostelería de Galicia

O programa inclúe formación académica e tamén un amplo calendario de aulas itinerantes constituído por visitas didácticas a algunhas empresas, ademais de realizar algunhas sesións de liderado no Camiño de Santiago e visitas a actividades culturais e a diversos puntos da cidade.

A directora de Turismo de Galicia agradeceu a oportunidade facilitada polo programa ‘Brasilia sem Fronteiras’ que supón para Galicia exercer de anfitrións para os mozos interesados en afondar nos seus coñecementos sobre a cultura do noso país. E destacou tamén a oportunidade de internacionalización do destino que supoñen iniciativas como as desenvolvidas nos Cursos Internacionais.

- Publicidade -

ÚLTIMA REVISTA

+ VISTOS

SÍGUENOS

695FansGóstame
290SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies