Un total de 14 obras compoñen a exposición que comezará a súa andaina desde este mércores 1 de xuño na sala de exposicións de Capitanía Marítima en Baiona.
O lenzo substitúese por retales e o pincel por agulla e fío, os resultados, sorprendentes. Ana Barreiro, Ana Pacín, Ana María Vilar, Carmeli Figueirido, Diana Cedeira, María Monserrat, María Pérez, Nuria González e Sonia Blach forman o ‘Grupo Baiona Patchwork’, unha iniciativa sen ánimo de lucro que naceu hai pouco máis dunha década da man de Li Goce, que as formou nas técnicas básicas da modalidade.
A mostra permanecerá aberta ata o vindeiro domingo 12 en horario de mañá e tarde, de 11 a 13 e de 17,30 a 20,30 horas, pero este é só o principio. O grupo ‘Baiona Patchwork’, confía en poder seguir sacando adiante novos proxectos que se traducirán en futuras iniciativas similares a esta baixo a filosofía da reciclaxe e a artesanía que tomarán forma a través da arte téxtil.
