Un ano máis, o auditorio V Centenario de Baiona albergou a celebración da festa grande do deporte baionés e ou Concello, a través do departamento de Deportes, estableceu sete categorías para nomear aos mellores deportistas e clubs do ano 2016.
Con tres finalistas en cada categoría, os gañadores foron: Na categoría á Mellor Deportista Feminina no ano 2016, Marta Canella (Baloncesto). Mellor Deportista Masculino, Herminio González (Rallies).Como Mellor Deportista de Base Masculino, Jorge González Silva e Pablo Carneiro Claro (Vela). apartado de Mellor Deportista de Base Feminina, Jimena Gil Pereira (Fútbol). Mellor Xunta Directiva de Baiona, Baíña Fútbol Sala. No ámbito do Mellor Evento Deportivo o xurado decantouse pola Vig-Bay. Por último, como Mellor Patrocinador o elixido foi Frutas Vilar
DISTINCIÓS ESPECIAIS
Este ano as distincións especiais foron para, Francisco Javier Suárez Gándara, máis coñecido por todos os miñoranos como “Paco”, foi un pioneiro no deporte baionés ao promover o fútbol sala. José Manuel Conde González é un atleta de fondo que hoxe en día continúa en activo e demostrando a súa tenacidade. Con excelentes resultados en probas tan exixentes coma o “Vigo 24 horas”, o Concello de Baiona quere así premiar a súa actividade deportiva e a súa resistencia. Por último, a VI Gala do Deporte tamén concede unha das tres mencións especiais ao Fútbol Sala Baíña pola súa traxectoria ao longo dos últimos anos.
