Inicio Val Miñor Baiona Baiona e Pornic estreitan lazos coa firma que ratifica o irmandamento acordado...

Baiona e Pornic estreitan lazos coa firma que ratifica o irmandamento acordado hai dúas décadas

Baiona e a localidade francesa de Pornic deron a pasada fin de semana un paso máis para estreitar os seus lazos coa firma que ratifica o irmandamento acordado hai dúas décadas entre ambas dúas vilas. O rexedor baionés, Ángel Rodal, acudiu á rexión da Bretaña invitado polo seu homólogo, Jean Michel Brard, para participar nos actos conmemorativos do 20 aniversario.O alcalde, Ángel Rodal, firma a ratificación do acordo e asiste aos actos de celebración na localidade francesa

Baiona e a localidade francesa de Pornic deron a pasada fin de semana un paso máis para estreitar os seus lazos coa firma que ratifica o irmandamento acordado hai dúas décadas entre ambas dúas vilas. O rexedor baionés, Ángel Rodal, acudiu á rexión da Bretaña invitado polo seu homólogo, Jean Michel Brard, para participar nos actos conmemorativos do 20 aniversario.

“Nos últimos 20 anos  os  gobernos de Pornic e Baiona logramos promover intercambios en materia cultural, turística, deportiva, medioambiental e de educación. Este irmandamento naceu co desexo de compartir, intercambiar, apoiar e, como non, desenrolar actividades de forma conxunta para que os cidadáns tivesen a oportunidade de establecer vínculos de amistade”, sinalou Rodal durante o seu discurso en Pornic.

Durante a fin de semana tamén se celebraron diferentes actividades nas que participaron bandas de música de Baiona e de Pornic nas rúas da localidade gala. Ademais, organizouse unha exposición co motivo do aniversario.

Baiona está irmandada dende 1997 con Pornic, localidade da Bretaña francesa de características similares á Real Vila, polo que son habituais os intercambios culturais, deportivos e educativos. En materia náutica celébrase a regata de vela que une os dous municipios.

O pasado mes de febreiro, días antes da celebración da Festa da Arribada, unha delegación de Pornic acudiu a Baiona e agasallou ao Concello un cadro da localidade bretona en conmemoración do vixésimo aniversario do seu irmandamento.

- Publicidade -

ÚLTIMA REVISTA

- Publicidade -


+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies