A Irmandade da Santa Casa de Paz e de Misericordia de Baiona cumpre o próximo 5 de abril 450 anos e é a confraría máis antiga de Galicia. O Concello de Baiona quere difundir a historia da entidade, fundada o 5 de abril de 1574 cunha exposición no hall do Concello de Baiona cunha exposición de fotografías. Todas aquelas persoas interesadas en coñecer a historia da confraría de Baiona, a máis antiga de Galicia, poderán gozar desta exposición ata o domingo 7 de abril
O alcalde de Baiona, Jesús Almuiña, sinala que: “Desde o Concello de Baiona consideramoa á Santa casa unha parte moi importante do noso patrimonio cultural e relixioso”, responsable da organización dos actos centrais da Semana Santa baionesa, entre os que destacan a Procesión dos Pasos.
Segundo rezan os seus documentos fundacionais, a confraría, autorizada expresamente polo Rey Felipe II, naceu para cumprir obras de compaixón nunha vila que sufría continuos ataques piratas e desde o Reino de Portugal. Entre os seus compromisos, destacaba o que aínda mantén hoxe, dar santo enterro aos veciños e forasteiros falecidos na vila.
Por estas accións e polos seus méritos no coidado do patrimonio artístico e cultural da capela da Misericordia, a irmandade recibiu en 1999 a Medalla de Ouro de Baiona.
Procesións Semana Santa Baiona 2024
A Santa Casa de Paz e Misericordia de Baiona atópase inmersa nos preparativos das procesións da Semana Santa. Tras semanas de ensaios e preparativos na capela da Misericordia, os máis de sesenta costaleros da Irmandade da Santa Casa, a confraría máis antiga de Galicia, volverán portar desde as oito da tarde do Xoves Santo, polo centro histórico baionés a oración do horto das oliveiras, a flagelación de Jesús atado á columna, o Ecce Homo –máis coñecido como Cristo dá Caniña polo xunco que porta a modo de cetro nunha man–, o Jesús da primeira caída, o Jesús axudado por Simón de Cirene, o Xesucristo crucificado e a Virxe da Primeira Dor.
