Inicio Pontevedra Baiona conta xa con catro veciñas centenarias

Baiona conta xa con catro veciñas centenarias

Julia Martínez Conde celebra en Sabarís o seu 103 aniversario

Carmen, Julia, Emilia e Dionisia. As catro son veciñas de Baiona e as catro teñen máis de 100 anos, sen dúbida a mellor proba da calidade de vida do municipio. Unha delas, Julia Martínez Conde, celebrou este martes o seu 103 aniversario.

Rodeada de familiares, amigos e veciños que a coidan e seguen pendentes dela para que non lle falte de nada, Julia segue perfectamente lúcida e goza dunha saúde envexable que fai que non sen prive dunha copita de champán ou dun pedazo de tarta na súa celebración. “Hoxe ata me pintei os labios e as uñas”, afirma a homenaxeada en proba de que a súa idade mantén intacta a súa coquetería.

Invitados pola familia, ao aniversario acudiron o alcalde, Ángel Rodal, e á concelleira de Benestar Social, Carmen Paredes. “Non quixemos perder esta cita tan entrañable para ela e que levaba días esperando para celebrar, proba da ilusión por poñerlle vida aos anos”, afirmou a concelleira.

Ademais de Julia, agora mesmo no municipio superan o centenar de anos outras tres mulleres. Carmen, de Ponte Baredo, que cumplirá 104 anos en novembro; Dionisia, de A Percibilleira, que o próximo 5 de febreiro cumprirá 101 anos; e Emilia, de Belesar, que tamén o próximo mes chegará os 101.

“É un honor para Baiona ser un dos municipios de maior lonxevidade, proba de que vivimos nun entorno privilexiado, que complementado coa boa xenética e os mellores coidados , fai que os nosos maiores pasen de centenarios”, engade Carmen Paredes.

 

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies