As bibliotecas deron a coñecer o resultado da elección do “Libro do Ano” por parte dos seus usuarios, así como o nome dos agraciados no sorteo do mesmo.
As bibliotecas de Redondela, xunto co resto de bibliotecas da comunidade galega, celebraron este mércores, 11 de xaneiro, o Día do Usuario, data que abre o Calendario do Libro e da Lectura 2017 na nosa comunidade.
En concreto, as bibliotecas deste municipio conmemoraron a data facendo público o resultado da votación anual pola que os seus usuarios escollen os seus libros preferidos dos editados no pasado ano.
“Todo esto te daré” de Dolores Redondo, último Premio Planeta, e “El libro de los Baltimore” de Joël Dicker, foron os máis votados nas bibliotecas de Redondela e Chapela, respectivamente. Mentres que a serie de Futbolísimos e “Los gemelos Tapper arrasan la ciudad”, despuntaron entre os lectores infantís das mesmas.
Como todos os anos, fíxose un sorteo dos títulos gañadores entre todos os que participaron na votación.
Estos foron os agraciados desta edición do “Libro do ano” das bibliotecas de Redondela:
Entre os lectores adultos: María Soriano e Olga Varela
Entre os lectores infantís: Helena Romero e Adriana Alonso
