Esta mañá, a deputada de Mocidade da Deputación de Pontevedra, Digna Rivas Gómez, o alcalde de Baiona, Ángel Rodal, e a concelleira de Mocidade do Concello de Baiona, Beatriz González Pérez, clausuraron o curso de cociña internacional ‘O Mundo no Prato’ que forma parte do programa DepoRúarte, no que os alumnos aprenderon coñecementos sobre a elaboración de pratos de diferentes partes do mundo.
O curso tivo unha gran acollida entre o público novo baionés que moi entusiasmado aprenderon leccións culinarias.
O curso tivo unha duración de 25 horas durante as cales os participantes aprenderon de forma dinámica a preparar pratos típicos doutros países, integrados na cociña internacional por exemplo, cuscús, sushi, choli con carne, …
Como acto de clausura, os alumnos elaboraron diferentes viandas que puideron degustar entre eles e demostrar os coñecementos adquiridos.
Entre os alumnos elixirase a un deles para representar ao concello nunha gran final entre representantes dos distintos concellos nos que se está impartindo o citado curso que terá lugar o 8 de outubro. Aquel alumno que se alce co galardón provincial recibirá un importante premio.
