Desde o día 12 de xaneiro e ata o 12 de febreiro ambos inclusive, estará aberto o prazo para solicitar os postos de venda no real mercado medieval con motivo do 523 aniversario da arribada que se celebrará en Baiona, os días 4, 5 e 6 de marzo de 2016. O Concello de Baiona ha decido que a próxima edición da súa festa por excelencia celébrese durante un días máis con motivo da súa declaración como Festa de Interese Turístico Internacional.
Tanto o regulamento que regula o real mercado medieval e que é de obrigado cumprimento, como a solicitude (impreso oficial para participar no mercado), poderanse obter a través da web do Concello de Baiona www.baiona.org, no apartado de festa da Arribada 2016, ou ben no propio Concello (oficina de rexistro) en horario de 9:00h.14:00h, durante os días que permaneza aberto o prazo de inscrición.
Unha vez cuberta a solicitude poderase presentar por correo electrónico na dirección arribada@baiona.org ou na oficina de rexistro do concello para as dúbidas e aclaracións concernentes a todo o relacionado coa festa, os teléfonos de atención ao público son: 986385921 e 986385925 (departamento de cultura).
No momento de presentar a solicitude entregarase o xustificante bancario do pago que estará composto dun aval, máis unha cota segundo a mercadoría de venda e segundo o estipulado no regulamento de organización e funcionamento do real mercado medieval, e o certificado de conta bancaria do titular do posto.
Como en edicións anteriores contémplanse tres tipos de postos: os gremiais, os postos do concello e os establecementos da vila.
A adxudicación dos postos do concello realizarase en sorteo público o sábado día 20 de febreiro ás 11:00h da mañá no salón de plenos do concello, segundo os criterios establecidos no regulamento, tendo prioridade no sorteo as persoas que se atopen censadas no Concello e que se atopen en situación de desemprego con persoas ao seu cargo e sen elas, en relación a outras persoas que non reúnan esta condición.
