O galardón recoñece a traxectoria e experiencia da entidade na súa xestión baseada na Calidade
Por noveno ano consecutivo, un xurado integrado por AENOR, Serviguide e o Comité Executivo de Expourense elixiu ás empresas e institucións galegas merecedoras dos premios “Líderes en Calidade”, uns galardóns que teñen como obxectivo sensibilizar a empresas privadas e entidades públicas da necesidade de incorporar aos seus modelos de xestión as directrices da calidade e do medio ambiente, co fin de prestar servizos eficientes e conseguir a satisfacción do cliente.
A Asociación Aspanaes foi galardoada na categoría de Servizos Sociais, recoñecendo así a súa traxectoria e experiencia na súa xestión baseada na Calidade, que conseguiu certificar baixo a norma ISO 9001 no ano 2008. Este premio avala o compromiso de Aspanaes coa mellora continua para conseguir o maior benestar das persoas que conforman a entidade, aliñado cos seus valores organizacionales e sumando en reputación acreditada.
