·Publicidade ·spot_img
InicioBaixo Miño“As vaquiñas de Pinzás” un exemplo da xestión sostible e rendible do...

“As vaquiñas de Pinzás” un exemplo da xestión sostible e rendible do monte

“As vaquiñas de Pinzás” un exemplo da xestión sostible e rendible do monteO proxecto silvopastoril financiado cos fondos Leader que coordina EuRural destaca pola súa labor na prevención dos lumes, pola xeración de valor engadido e a recuperación das razas autóctonas gandeiras

Pinzás (Tomiño) acolleu a presentación do proxecto “As vaquiñas de Pinzás”, un novo sistema de xestión do monte que cambiou en gran medida o uso das terras da contorna, e que conta cun orzamento de 190 mil euros, dos cales 150 mil están financiados cos fondos europeos da Medida Leader que xestiona a Asociación de Desenvolvemento Galicia Suroeste Eurural.

O proxecto pretende que a gandería e as novas tecnoloxías axuden a mellorar o estado ambiental do territorio, conservar o patrimonio, e dar uso a unhas terras que axuden a previr os incendios forestais. Para elo a Comunidade de Montes, a través dos fondos europeos Leader, busca consolidar o sistema silvopastoril do espazo traballando en base a tres piares fundamentais: a educación, o uso das novas tecnoloxías, e a recuperación de tradicións históricas.

A presidenta de EuRural e alcaldesa de Tomiño, Sandra González, destacou a importancia dun proxecto que “pon en valor un monte que estaba en estado de abandono”, e que demostra que “vale a pena investir no rural”.  “As vaquiñas de Pinzas” representan “unha estratexia moderna que ten en conta todos os valores que deben primar neste tipo de actuacións no rural: o económico, o sostible, e o educativo”.

A directora da Axencia Galega de Desenvolvemento Rural, Inés Santé, subliñou que este “é un proxecto modelo e exemplar para outras comunidades semellantes en Galicia”, e o conselleiro do Medio Rural, José González, tamén transmitiu os seus parabéns pola iniciativa e trasladou que e a Xunta tratará de impulsar iniciativas semellantes noutras partes do territorio galego.

O espazo tamén conta cunha aula de interpretación co obxectivo de achegar a sociedade o coñecemento de valor sobre os montes, os seus usos, os seus retos ou a súa importancia.

“As vaquiñas de Pinzás” consiste en definitiva nun sistema  silvopastoril para a cría de tenreiras e vacas, unha tradición histórica que foi perdéndose co paso do tempo e que agora se retoma apostando por vacas de raza  vianesa, unha raza autóctona galega considerada en perigo de extinción, e pola recuperación de pastos degradados. A súa vez o proxecto fai tamén unha forte aposta pola innovación coa posta en marcha de solucións tecnolóxicas de apoio á xestión do gando, como a implementación dun sistema de xeolocalización das vacas.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies