A vistosa proba, trasladada ao pavillón municipal por mor da choiva, forma parte das actividades da concellería d Igualdade con motivo do 8 de marzo, Día Internacional da Muller
Gondomar envorcouse este venres cos 123 alumnos de 3º de ESO que participaron este mediodía nunha nova edición da Carreira a prol dá corresponsabilidade que organizou a concellería da Muller en colaboración coa Deputación de Pontevedra e os Institutos de Educación Secundaria Ies Auga dA Laxe e Terra de Turonio.
A carreira, que se enmarca dentro as actividades previstas con motivo do 8 de marzo, Día Internacional da Muller pretende sensibilizar e concienciar aos mozos sobre a necesidade de erradicar estereotipos sociais sobre a repartición de tarefas e a importancia dunha educación baseada na corresponsabilidade e na igualdade de aptitudes, capacidades e habilidades de ambos os sexos tanto á hora de realizar tarefas domésticas -habitualmente adscritas ao xénero feminino- como actividades de bricolaxe ou mantemento do fogar, que tradicionalmente se consideraron máis propias de homes.
Nesta ocasión e debido ás condicións climatolóxicas as distintas fases e retos programados nesta competición ?considerada xa un clásico en Gondomar tras catro anos de celebración-celebráronse integramente no Pavillón Municipal. Aínda que houbo que suspenden o tradicional percorrido por distintas rúas do centro urbano o traslado forzoso non restou vistosidade ao evento.
POR PARELLAS E UNIDOS DE PÉS E MANS
Os participantes divididos por parellas -na súa maioría mozo e moza- afrontaron como primeiro reto unha carreira de obstáculos na que cada parella tivo que avanzar unida de pés e mans, para o que, a organización colocoulles unha goma coa que permaneceron unidos por un dos seus pés e unha das súas mans durante a realización da proba. Os vencedores foron Os alumnos participaron tamén en probar de carácter lóxico-deductivo co reto de resolvela antes de cruzar a meta. Os tres finalistas para a fase final do concurso foron dúas parellas do Instituto Auga dA Laxe e unha do Terra de Turonio.
Nesta última fase os participantes demostraron as súas habilidades en tarefas de corresponsabilidade con tres novas probas. Na primeira tiveron que demostrar a súa capacidade para asear, vestir e sentar nunha cadeira de rodas a un boneco que fixo as veces de persoa dependente. Así mesmo tiveron que montar unha lámpada e demostrar as súas habilidades en tarefas de reciclaxe.
