Inicio Baixo Miño Albert Martí e Roi Rodríguez do Kayak Tudense oro na Copa do...

Albert Martí e Roi Rodríguez do Kayak Tudense oro na Copa do Mundo de Hungría

Albert Martí e Roi Rodríguez do Kayak Tudense oro na Copa do Mundo de HungríaA selección española de piragüismo inaugurou onte o seu medalleiro na Copa do Mundo Sprint Szeged 2020 que se disputa en Hungría.

A parella formada polos integrantes do Kayak Tudense Albert Martí e Roi Rodríguez facíase coa vitoria na final de K2 500 masculina, os tudenses cruzaban a liña de chegada por diante da outra embarcación española formada por Pedro Vázquez do Kayak Tudense e Pelayo Roza, recente fichaxe do Fluvial de Lugo, conseguindo así un dobrete para o piragüismo español.

A proba arrincaba ás 12.42 coas dúas embarcacións españolas competindo por cálelas tres e dous nunha das probas máis rápidas da competición. Desde os primeiros metros as dúas piraguas españolas situábanse nos postos de cabeza de carreira, no ecuador da carreira Roza e Vázquez atopábanse en primeiro lugar, foi nos metros finais onde Rodríguez e Martí aumentaron o ritmo para impoñerse aos seus adversarios nun axustado final, con tan só dezasete milésimas de diferenza sobre os asturianos. Tamén varios padeeiros galegos tomaban parte nas distintas finais do día. A canoista pontevedresa Antia Jácome terminaba nun meritorio sexto lugar na final de C1 200 metros. Jácome volverá competir mañá na final de C2 500 xunto a Antía Otero.

Ademais tomaron parte, Lara Feijoo do Kayak Tudense, que realizou un dos maiores esforzos do equipo ao participar en varias probas. A primeira sería na semifinal de K1 200 metros onde quedaba ás portas de clasificarse para a final B. Unha hora máis tarde participaba na final B de K2 500 metros xunto á asturiana Miriam Vega, ambas conseguían un meritorio sexto posto, por último Feijoo competía na modalidade mixta co padeeiro madrileño Enrique Adán, esta vez non pasarían o corte para as finais.

A participación galega pechábase coa clasificación para as semifinais de David Barreiro en C1 500 metros e as dúas finais do Adrián Mosquera na paracanoe, o de Boiro conseguiu un quinto posto na distancia de 500 metros que se suma ao cuarto logrado no día de onte.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies