Inicio Val Miñor Baiona O Aceites Abril gaña a 42ª edición da regata Conde de Gondomar

O Aceites Abril gaña a 42ª edición da regata Conde de Gondomar

O Aceites Abril gaña o seu terceiro Conde de GondomarA tripulación do Real Club Náutico de Vigo liderada polos irmáns Luís e Jorge Pérez Canle alzouse vencedora dun trofeo que xa gañou en 2013 e 2016

O Aceites Abril dos irmáns Luís e Jorge Pérez Canal logrou revalidar este martes o seu título de campión do Conde de Gondomar, un trofeo que o barco do Real Club Náutico de Vigo xa gañara en dúas edicións anteriores, nos anos 2013 e 2016.

Os ourensáns partían entre os favoritos para facerse co campionato organizado polo Monte Real Club de Yates co patrocinio de Banco Sabadell, e non defraudaron sobre a auga. Foron os máis rápidos en completar a etapa do Carrumeiro Mozo, a máis longa da competición, e lograron cruzar a liña de chegada sempre entre os primeiros no resto de probas celebradas desde o pasado sábado nas Rías Baixas.

Os do Aceites Abril levaron o ouro da competición deixándolle a prata aos seus compañeiros de club, os tripulantes do Pairo 8, que navegaron nesta edición liderados por dous novísimos patróns de apenas 22 anos, Alberto Basadre e Luís Bugallo. Alternándose á cana nas diferentes etapas, ambos foron quen de coar ao barco armado por José Luis Freire no podio de honra.

O bronce da competición levoullo outro dos barcos que máis destacaron nas regatas, o novo Solventis de Alberto Moro, que navegou lucindo grímpola do Monte Real Club de Yates e con Malalo Bermúdez á roda.

O esquema da clasificación xeral definitiva, de Aceites Abril – Pairo – Solventis, foi o que resultou tamén na clase Storax ORC 0-1, que esta tarde disputouse no fondeadero das Illas Cíes as dúas últimas probas do trofeo. Foron dous percorridos barlovento sotavento, dunhas 6 millas de distancia, que a frota ao completo navegou cun vento do noroeste dunha media de 14 nós con refachos de 18.

O Unus de Luís García Trigo, do Monte Real, foi o barco que se fixo coa vitoria na clase PSA Retail ORC 2-3. Fíxoo mellorando os seus resultados en cada unha das probas que se foron disputando desde o pasado sábado. O segundo premio da clase foise á Mariña de Sada da man do Inosa, de Cándido Losada; e o terceiro levoullo o Fend a Bise, de Jean Claude Sarrade, que correu polo club organizador.

Na clase Coca Cola ORC 4, o podio quedou conformado da seguinte maneira: todo o máis alto elevouse o Balea Dous do Real Club Náutico de Rodeira. Con Luís María Pérez aos mandos, a tripulación asinou os mellores resultados da súa categoría, con tres primeiros postos nas catro probas disputadas. Os seguintes chanzos de gañadores cubríronos dous barcos do Monte Real, o Margem do Azul III de Santiago Gómez e Frederico Lopes; e o Abal Abogados/Lagar de Pintos/Fanautic de Mariano Dios.

Na cuadraxésimo segunda edición do Trofeo Conde de Gondomar tiveron tamén cabida os monotipos, tanto J80 como Fígaros. En clase J80 Rías Baixas o Okofen de Javier da Gándara partía como favorito e, a pesar de non poder lograr pleno de vitorias, foi o gañador indiscutible. O Marías de Manuel María Cunha e o Virazón de Guillermo Caamaño quedaron segundo e terceiro respetivamente.

Na competición da clase Fígaro Martin Miller, foi na que máis variou a clasificación ao longo das diferentes regatas, producíndose cambios continuos nos primeiros postos. Finalmente subíronse ao podio o Tutatis de Brais Acevedo; o Erizana de Rosalía Martínez e o Silleiro de Santiago Meygide.

Na entrega de premios do Conde de Gondomar, á que asistiu o Subdirector Xeral de Banco Sabadell, Pablo Junceda, como principal patrocinador, tamén se entregou a placa ao gañador do Campionato de España de Altura PSA Retail Zona Galicia, que gañou o Siradella do Club Náutico de Portosín, patroneado por Francisco Gude.

O regatista Pablo Marquina, de dez anos de idade, levou unha mención de honra ao participante máis novo do Conde, no que competiu como tripulante do J80 Virazón.

A próxima cita no calendario de regatas do Monte Real Club de Yates é o Trofeo Principe de Asturias, que se celebrará os días 1, 2 e 3 de setembro.

 

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies