Inicio Latinoamérica A Xunta visita proxectos de desenvolvemento postos en marcha grazas á cooperación...

A Xunta visita proxectos de desenvolvemento postos en marcha grazas á cooperación galega en Perú

A Xunta visita proxectos de desenvolvemento postos en marcha grazas á cooperación galega en Perú
Alfonso Rueda, visitou hoxe varios proxectos centrados na produción agropecuaria na zona de Cuzco

O vicepresidente da Xunta, Alfonso Rueda, está a visitar en Perú distintos proxectos de cooperación ao desenvolvemento que se puxeron en marcha grazas á Cooperación Galega. Entre outros, desprazouse a visitar varias iniciativas situadas na zona de Cuzco e centradas no sector agropecuario.

Os proxectos, impulsados pola Fundación Taller de Solidaridad en agrupación con Entreculturas Fe y Alegría e en colaboración coa entidade local Asociación Jesús Obrero -CCAIJO, teñen como principal obxectivo a posta en valor e mellora da competitividade da produción local.

Así, ademais de impulsar inicialmente un proxecto para agregar valor á produción agropecuaria, tamén se centraron na mellora da competitividade. O obxectivo foi incorporar a xestión empresarial como elemento fundamental para mellorar a competitividade das actividades económicas. Deste xeito, 132 produtores comezaron a manexar mellor conceptos relacionados coa competencia e os mercados; ademais de que se fixo fincapé na importancia dos custos de produción e calidade dos produtos.

Ademais, tamén impulsaron unha iniciativa para o desenvolvemento dunha ruta agroalimentaria gastronómica co obxectivo de incorporar o turismo como unha actividade que contribúa ao dinamismo da economía do territorio. Traballouse con 189 produtores locais da zona e con operadores de restaurantes rurais, baixo un enfoque de sustentabilidade e desenvolvemento económico inclusivo.

O vicepresidente da Xunta tivo hoxe a oportunidade de coñecer de primeira man esta ruta, ademais de comprobar outros efectos positivos dos proxectos a través da visita a unha das plantas familiares de produción de derivados lácteos, así como ás tendas de venda e a unha sala de maduración de queixos da zona.

Cómpre destacar que entre algúns dos efectos positivos que se acadaron con estes proxectos destacan a mellora dos procesos de elaboración dos queixos, a implementación dun sistema continuo de control de calidade, unha elevada participación das mulleres como responsables das unidades produtivas ou económicas, o aumento da produción de coellos de indias, ou o bo funcionamento dos restaurantes rurais e das tendas de lácteos.

- Publicidade -

ÚLTIMA REVISTA

+ VISTOS

SÍGUENOS

680FansGóstame
282SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies