A Subdelegada do Goberno en Pontevedra anuncia na Guarda o inicio dos trámites para a solución dos destrozos no litoral do Río Miño

A Subdelegada do Goberno en Pontevedra anuncia na Guarda o inicio dos trámites para a solución dos destrozos no litoral do Río MiñoA Subdelegada do Goberno en Pontevedra anuncia na Guarda o inicio dos trámites para a solución dos destrozos no litoral do Río Miño

A Subdelegada do Goberno en Pontevedra, Maica Larriba, visitou a zona afectada por unha forte erosión nas praias da Lamiña e da Armona na desembocadura do Río Miño, para comprobar «in situ» como está a situación destes areais a anunciar a inclusión dunha partida orzamentaria para solventar este problema, sendo unha actuación prioritaria para a Dirección Xeral de Sustentabilidade da Costa e o Mar, segundo lle foi comunicado á Subdelegación do Goberno.

Unha comitiva encabezada por parte do equipo do Goberno municipal desprazouse ata o litoral do Río Miño en Camposancos, onde comprobaron o imparable avance da erosión que sofre este litoral dende os temporais do pasado inverno, cunha gran perdida de áridos que afecta e pon en risco ao ecosistema dunar existente na zona.

Maica Larriba, amosouse moi sorprendida polo impacto desta erosión sobre o areal fluvial e aproveitou a visita para anunciar o Proxecto de Estabilización da Marxe dereita do Río Miño na súa desembocadura, actualmente en fase de contratación e que suporá unha inversión de máis de 40.000€, cun prazo de redacción de 6 meses. Para acometer estes traballos, e en vista de que este espazo é un espazo protexido pola Rede Natura, será preciso contar con certa documentación de carácter ambiental necesaria para acometer estes traballos con total respecto ao medio ambiente e sen freos para o procedemento de avaliación ambiental que corresponda.

O alcalde da Guarda, Antonio Lomba, quixo agradecer a Maica Larriba a súa mediación para iniciar unha solución a esta problemática, posto que o deterioro do litoral non para, contando xa co informe realizado do CEDEX e coa alternativa que permitirá solventar a erosión do areal. Antonio Lomba destacou que esta é unha moi boa noticia para A Guarda, tendo a redacción do proxecto en licitación e o compromiso da Dirección Xeral de Sustentabilidade da Costa e o Mar para executar estas obras. Antonio Lomba resaltou tamén a necesidade de facer unha actuación previa de emerxencia para evitar que o deterioro vaia en aumento antes da realización dunha actuación definitiva que solvente esta problemática.

Please follow and like us:

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies