Inicio Vigo e área Mos A sede da Asociación Española Contra o Cancro (AECC) en Mos reabre...

A sede da Asociación Española Contra o Cancro (AECC) en Mos reabre de novo as súas instalacións

A sede da Asociación Española Contra o Cancro (AECC) en Mos reabre de novo as súas instalaciónsA sede da Asociación Española Contra o Cancro (AECC) en Mos reabriu hoxe de novo as súas instalacións, para volver atender ás persoas con cancro e as súas familias de forma gradual e de acordo á Guía de boas prácticas nos centros de traballo do Ministerio de Sanidade. Polo momento, o horario será reducido, todos os mércores de 10 a 12 horas en San Rafael – Camiño Campo de Eiró 100 (Mos).

O regreso paulatino aos servizos presenciais faise coa máxima seguridade e acorde ao protocolo de prevención en riscos laborais da organización. Así, cumprirase coas accións adoptadas en relación coas medidas organizativas, de distanciamento interpersoal e de hixiene, para garantir unha volta segura tanto aos profesionais da Asociación, ao equipo de voluntariado como ás persoas beneficiarias.

A Asociación segue mantendo os seus servizos a distancia para todas aquelas persoas que prefiran non acudir de maneira presencial, pero necesiten a axuda dos profesionais e voluntarios da AECC. Neste sentido a AECC mantén a rede de apoio para que ningunha persoa con cancro senta soa, desatendida ou desinformada nesta crise sanitaria: servizo gratuíto de Infocáncer (900 100 036) as 24 horas do día, os 7 días da semana, sesións de vídeoconsultas, programa de voluntariado online e presencial, axuda a través de RRSS, ou a aprobación dunha partida extraordinaria de 3 M€ para facer fronte á vulnerabilidade social das familias con cancro.

Máis de 40 intervencións durante o confinamento en Mos

Esta crise sanitaria non impediu que a Asociación Española Contra o Cancro (AECC) seguise desenvolvendo a súa actividade asistencial, coa utilización de ferramentas telemáticas e dixitais. “Desde a AECC continuamos coidando das persoas máis vulnerables como é a poboación con cancro, ofrecéndolles apoio e acompañamento no ámbito psicolóxico, social e logopédico; traballando en prevención e en educación en saúde; e financiando proxectos de investigación oncolóxica”, explica Magdalena Domínguez, presidenta da Sede Local de Mos.

Ademais, a asociación tamén apoiou emocionalmente ás persoas afectadas pola COVID-19, ás familias que perderon un ser querido, independentemente da causa do falecemento e aos profesionais de servizos esenciais. En total, desde o 16 de marzo ao 29 de maio, os profesionais da aecc Pontevedra e o equipo de voluntariado realizaron 48 intervencións en Mos (poboación con cancro, pacientes de COVID-19, familiares, profesionais sanitarios, etc).

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies