Este verán repartiránse máis de 30.000 mapas turísticos da comarca conectados a unha web coa xeolocalización dos puntos de interese
A Mancomunidade do Baixo Miño ven de producir máis de 30.000 exemplares dun mapa despregable con información dos puntos de interese turístico da comarca. O obxectivo é promocionar o patrimonio natural, etnográfico, arquitectónico, cultural, arqueolóxico e panorámico dos cinco concellos que conforman a mancomunidade: Tui, Tomiño, O Rosal, A Guarda e Oia.
Durante os meses de xullo e agosto decenas de miles de persoas escollen o Baixo Miño como destino turístico para gozar das vacacións estivais.
Pero ás veces chegar a un petroglifo na montaña ou a unha ermida nun paraxe recóndito non é doado. A innovación e a tecnoloxía son as estratexias elexidas neste caso para facilitar ao visitante atopar os destinos de interese no territorio facilmente, e para iso o mapa en papel está conectado a unha páxina web mediante un código QR. A web conta con varias utilidades de xeoposicionamento, de xeito que o turista pode chegar a calquera dos destinos coa axuda do seu teléfono móbil ou GPS, facendo uso de aplicacións moi coñecidas como Google maps.
Durante os meses de xullo e agosto decenas de miles de persoas escollen o Baixo Miño como destino turístico para gozar das vacacións estivais. Este ano poderán descubrir coa axuda deste folleto moitos dos segredos e tesouros que o territorio do Baixo Miño agocha.
