Inicio Baixo Miño A Guarda A Guarda presenta en Pasaia o vindeiro Encontro de Embarcacións Tradicionais

A Guarda presenta en Pasaia o vindeiro Encontro de Embarcacións Tradicionais

En Pasaia presentouse o vindeiro Encontro de Embarcacións Tradicionais de Galicia
En Pasaia presentouse o vindeiro Encontro de Embarcacións Tradicionais de Galicia
© Culturmar

O peirao euskaldún de Trintxerpe acolleu onte a presentación do próximo Encontro de Embarcacións Tradicionais de Galicia. Un evento que se celebrará na Guarda do 11 ao 14 de xullo de 2019 e que servirá de pulo para o recén creado movemento de recuperación e posta en valor do amplo patrimonio marítimo fluvial da vila fronteiriza.

O presidente da Asociación Cultural de Embarcacións Tradicionais Piueiro, Xaquín Cadilla; e Xaquín Lores, membro da directiva de Culturmar; foron os encargados de explicar ao público do I Festival Marítimo de Pasaia os detalles dun evento que, ao igual que o anterior Encontro, celebrado o verán pasado en Combarro, contará coa presenza dunha delegación do municipio vasco. Así o asegurou a alcaldesa de Pasaia, Izaskun Gómez; que puxo en valor os numerosos vínculos existentes entre a cultura de Galicia e a dunha vila que acolle á comunidade de galegos fóra de Galicia máis extensa do estado español.

En Pasaia presentouse o vindeiro Encontro de Embarcacións Tradicionais de Galicia
En Pasaia presentouse o vindeiro Encontro de Embarcacións Tradicionais de Galicia
© Culturmar

Á senda de colaboración entre o Concello de Pasaia e Culturmar iniciada o verán pasado en Combarro aínda lle quedan quilómetros por andar. Quedou patente este sábado na presentación do próximo Encontro de Embarcacións da Guarda. Un evento co que a Federación Galega pola Cultura Marítima e Fluvial quere contribuír á recuperación do patrimonio desa vila situada na fronteira entre Galicia e Portugal e que, tal e como asegurou Izaskun Gómez, contará tamén co respaldo de Pasaia.

O presidente de Piueiro; asociación de recente creación nacida co obxectivo de impulsar a posta en valor da riqueza etnográfica e cultural ligada aos cauces fluviais (nomeadamente, ao río Miño) e ao litoral da Guarda quixo agradecer o respaldo recibido dende Culturmar. Xaquín Cadilla amosou a súa vontade de traballar arreo para que a localidade pontevedresa chegue ao vindeiro Encontro lista para amosar ao público todo o seu patrimonio etnográfico, cultural, e tamén gastronómico.

En Pasaia presentouse o vindeiro Encontro de Embarcacións Tradicionais de Galicia
En Pasaia presentouse o vindeiro Encontro de Embarcacións Tradicionais de Galicia
© Culturmar

A presentación do Encontro da Guarda celebrouse no espazo expositivo de Galicia no I Festival Marítimo de Pasaia. Un entorno no que, dende o pasado xoves, a comunidade galega luce o bo facer dos seus artesáns con mostras en vivo de oficios tradicionais.

Aos zoqueiros, redeiras, palangreiras, carpinteiros de ribeira e palilleiras únense ademais degustacións gastronómicas de conservas do mar galego. Que, xunto coa música tradicional que resoa ao longo de toda a xornada, teñen conseguido que o peirao de Trintxerpe se convirta nun constante bule bule dun público totalmente volcado coas singularidades, tamén turísticas e paisaxísticas, de Galicia.

- Publicidade -

ÚLTIMA REVISTA

+ VISTOS

SÍGUENOS

691FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies