·Publicidade ·spot_img
InicioBaixo MiñoA GuardaA Eurorrexión Galicia-Norte de Portugal pide manter abertos os máximos pasos posibles...

A Eurorrexión Galicia-Norte de Portugal pide manter abertos os máximos pasos posibles para evitar o impacto do peche da fronteira

A Xunta e o Norte de Portugal solicitan que se teñan en conta as peculiaridades das áreas transfronteirizas nos controis e na limitación de mobilidade

Diante da situación que se está a xerar na “raia” polo peche das fronteira entre España e Portugal, a Xunta e o Norte de Portugal manifestan que, dada a situación sanitaria por mor da extensión da pandemia neste momento, motivada pola necesidade de poñer freo á pandemia, en especial agora que a cepa británica –de enorme potencial contaxiador- parece estar moi estendida en Portugal, se plantexe o control e limitación do cruce das fronteiras para contribuír a frear a propagación por outras zonas.

Xacobeo-recibe-medalla-mérito-de-Valença-en-recoñecemento-protección-Camiño-Portugués

Aínda así, a Agrupación Europea de Cooperación Territorial (AECT) da Eurorrexión Galicia-Norte de Portugal demanda que as peculiaridades das áreas transfronteirizas deben ser tidas en conta á hora de poñer en marcha estas medidas, para limitar no posible o impacto negativo que poden ter tanto na economía como na vida cotiá dos habitantes da “raia”.

Polo tanto, se polas consideracións sanitarias cómpre limitar a mobilidade entre Galicia e Portugal, xa moi diminuída na actualidade, requírise que, aínda con todos os controis necesarios para controlar a expansión da covid-19, se manteñan abertos os máximos pasos posibles, para que non se repita a situación creada o ano pasado, cando os traballadores trasfronteirizos se viran obrigados a realizar grandes desprazamentos, debido aos poucos puntos de cruce permitidos para cruzar a fronteira.

Acordo para a renovación estrutural da ponte internacional entre Salvaterra de Miño e Monçao e a súa ampliación para instalar un carril bici

O mantemento só dos puntos de cruce de Verín, na ponte da autoestrada de Tui e unhas horas ao día o de Salvaterra -das 08,00 ás 10,00 horas e das 19,00 ás 21,00), supón volver ao peor momento do ano pasado, cando o peche das fronteiras orixinara atrancos na circulación e retrasos e prexuízos aos traballadores transfronteirizos.

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies