Inicio Pontevedra A estación de tren Urzáiz-Vigo acolleu este venres o acto simbólico de...

A estación de tren Urzáiz-Vigo acolleu este venres o acto simbólico de inicio das obras da nova estación do AVE

A estación de tren Urzáiz-Vigo acolleu este venres o acto simbólico de inicio das obras da nova estación do AVEA estación de tren Urzáiz acolleu este venres o acto simbólico de inicio das obras da nova estación do AVE que se prevé que estean rematadas en dous anos. 

Ao acto asistiron representantes de todas as institucións, comezando polo Presidente da Xunta de Galicia, o Delegado do Goberno, a Presidenta da Deputación de Pontevedra, o Alcalde de Vigo, a Presidenta de ADIF, O Delegado da Zona Franca de Vigo, entre outros.

O presidente do Goberno galego, Alberto Núñez Feijóo, afirmou hoxe que a estación intermodal de Vigo será o principal nodo de transporte público do sur de Galicia, no que a Xunta investirá a maior das partidas consignadas ás estacións intermodais da Comunidade, que está construíndo simultaneamente: preto de 16 millóns de euros, nunhas obras cuxo obxectivo é licitar o vindeiro mes de decembro para iniciar antes de verán, e cuxa execución se acompasará ao máximo posible coas do Centro Vialia, coas que estarán en perfecta sintonía estética.

Durante o acto de presentación de Vialia Estación de Vigo, Feijóo aseverou, ademais, que este gran nodo debe completar a súa funcionalidade coa Variante de Cerdedo e complementarse coa saída sur que achegue aos galegos a Portugal e apuntale definitivamente a competitividade da Eurorrexión.

Pola súa banda, o alcalde Vigo, Abel Caballero, cualificou o proxecto como “a grande ambición da cidade” e asegurou que “marca un fito en Vigo porque estamos refacendo unha das zonas mal entendidas e mal tratadas na nosa historia”, engadindo que vai xerar un espazo urbano, de negocio e ferroviario.

Caballero amosouse satisfeito pola posta en marcha do proxecto “despois de 10 anos de perseveranza sabendo que o iamos conseguir” e puxo en valor o deseño arquitectónico como “unha xenialidade”, apuntando que se trata dun barco que atraca en Vía Norte, desde onde se pode ver o mar e as Illas Cíes, e augurou que se transformará nunha “grande xoia da arquitectura”.

Sobre o proceso de lanzamento do proxecto, o alcalde vigués lembrou que desde o Concello se cambiou o deseño, que nun primeiro momento entraba en gabia, para que entre en túnel sendo máis respectuosa coa cidade “algo que sempre lle agradecerá Vigo ao ex ministro José Blanco”. Amais, apuntou que a estación estará conectada coas cintas transportadoras que permitirán ir á parte alta da cidade e co novo ascensor que se proxecta para a parte baixa co fin de “seguir compactando Vigo nesta modernidade na que traballamos”.

O alcalde agradeceu a colaboración das administracións que fixeron posible que a nova estación do AVE sexa unha realidade, citando á presidenta de ADIF, presente no acto, así como ao anterior presidente da entidade, Juan Bravo.

- Publicidade -

ÚLTIMA REVISTA

+ VISTOS

SÍGUENOS

692FansGóstame
308SeguidoresSeguir

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies