O obxecto do convenio é a sensibilización e a promoción da cooperación ao desenvolvemento, a axuda humanitaria e a educación ao desenvolvemento entre a comunidade universitaria.
O texto do convenio recolle as seguintes cláusulas de colaboración:
-Desenvolvemento de proxectos de investigación.
– Difusión de programas de voluntariado e prácticas profesionais entre o estudantado e a comunidade Universitaria, ofertadas polas ONGD socias da Coordinadora
-O recoñecemento de actividades formativas e de voluntariado vinculado á cooperación e a educación para o o desenvolvemento con créditos ETCS.
– A promoción e cesión de espazos por parte da universidade para a realización de actividades vinculadas á difusión da cooperación, á educación ao desenvolvemento e á participación social levadas a cabo por ONGD que integran a Coordinadora Galega de ONGD consideradas de interese para a comunidade universitaria (seminarios, conferencias, cursos, etc).
– Colaboración para a difusión e promoción dos produtos de comercio xusto entre a comunidade universitaria e nas instalacións da universidade.
