Inicio Galicia A CIG-Ensino esixe o cese da actitude intimidatoria das Xefaturas de Educación...

A CIG-Ensino esixe o cese da actitude intimidatoria das Xefaturas de Educación da Coruña e Pontevedra e que se atendan as demandas dos centros

A CIG-Ensino esixe o cese da actitude intimidatoria das Xefaturas de Educación da Coruña e Pontevedra e que se atendan as demandas dos centros

 

A CIG-Ensino esixiu este mércores o cese inmediato da actitude “intimidatoria” da Consellaría de Educación contra os centros que reclaman a cobertura das súas necesidades de profesorado. É fíxoo precisamente con concentracións diante das Xefaturas Territoriais da Coruña e Pontevedra; para eles estas dúas delegacións son das que máis duramente están atacando ao profesorado e ás comunidades educativas que demandan un ensino público de calidade.

O Secretario Nacional da CIG-Ensino, Anxo Louzao, explicaba durante a protesta realizada na Coruña, que logo de 20 días de curso en Primaria, e 15 en Secundaria, aínda permanecen sen cubrirse as necesidades máis perentorias dos centros educativos, nomeadamente no referido ao número de docentes. “Hai arredor de 200 centros públicos aos que a Consellaría non dotou con todo o profesorado necesario. E a actuación da administración educativa, fundamentalmente da Xefatura Territorial da Coruña e Pontevedra,  consistiu en ameazar e amedrentar ao profesorado e ás propias comunidades escolares en lugar de atender as súas demandas”, denunciou. Entre eses 200 centros cóntanse varios centros das comarcas do Baixo Miño e o Condado, entre os que cabe sinalar os casos dos centros aos que non se lles asigna a totalidade do profesorado que figura no catálogo do centro, motivo polo val a CIG-Ensino xa presentou recurso ante a Cosnellaría e se están a producir mobilizacións no CPI do Rosal e no CEIP Feliciano Barrera de Ponteareas.

A este respecto, Louzao criticou o uso perverso da páxina web da consellaría para atacar e difamar ao profesorado dos centros que se mobilizan, nun intento de desprestixiar as súas . “Non podemos permitir que a Consellaría actúa desta maneira contra as comunidades escolares que están a reivindicar profesorado para que o sistema educativo funcione, mesmo recorrendo a artimañas de espionaxe”.

Falta de profesorado

Sobre esta cuestión, sinalou que as carencias de profesorado nestes centros afectan de xeito máis grave a aquel alumnado que precisa reforzo educativo ou que ten necesidades educativas especiais. “Falamos de profesorado de Pedagoxía Terapéutica, Audición e Linguaxe, e orientadores/as”. Así sucede nos concellos de Tui e Tomiño, que non teñen cubertas estas necesidads de profesorado.

Xunto a isto, a CIG-Ensino constatou como neste inicio de curso existen moitas unidades que superan a ratio de alumnos/as por aula e como se deu un incremento do número de profesores/as que ten que impartir materias nas que non é especialista, “porque a administración sigue recortando no profesorado e porque non lle interesa a calidade do ensino”, aseverou.

En concreto, o Secretario da Federación de Ensino, apuntou que dende a Xefatura Territorial da Coruña se deu orde de que aqueles centros que superaran as ratios máximas de alumnas/os por aula non desdobraran as unidades, sempre e cando non pasen do 10%.

Aplicación da LOMCE

Aos recortes que lastran a calidade da ensinanza e o funcionamento diario dos centros públicos, engádeselle a posta en marcha da aplicación da LOMCE “que foi sen lugar a dúbidas un cúmulo de despropósitos”. Alén de cualificar de “nociva” a normativa española, Louzao denunciou a aplicación incorrecta da lei por parte da Consellaría, posto que publicou o mesmo días que se iniciaba o curso os currículos cos obxectivos que hai que conseguir nas etapas de Primaria e de Formación Profesional Básica. Porén neste momento, os centros carecen de ningunha Orde que estabeleza como ten que ser o funcionamento do sistema educativo que se implanta coa LOMCE e que aínda convive coa sistema da LOE.

Respecto da FP Básica que supostamente substitúe os programas de cualificación profesional, porén “está afondando nas desigualdades sociais e está a ser un elemento de discriminación e marxinación”, xa que se imparten exclusivamente en 87 concellos de Galiza, impedindo o acceso ao alumnado do ámbito rural que nin sequera dispón de transporte para poder cursar este nivel educativo. Así sucede no Val Miñor, en que a oferta desapareceu do concello de Gondomar e se reduciu nun 50% en Nigrán. No Condado a oferta redúcese ao 50% nos concellos de Ponteareas e O Porriño e desaparece no de Salceda de Caselas

Diante desta situación, a CIG-Ensino promoverá pronunciamentos dos claustros de profesores para denunciar os recortes e actuación da consellaría e vai presentará recurso pola non cobertura dos catálogos de centros que están publicados. A máis, continúa coa campaña de recollida de sinaturas para a ILP para a restitución dos dereitos laborais e retributivos do profesorado, xunto con propostas para mellorar a calidade do ensino e cubrir as necesidades dos centros.

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies