A campaña de recollida de alimentos que as bibliotecas escolares, municipais e do Círculo Cultural Recreativo de Chapela puxeron en marcha, entre o 24 de outubro e o 28 de novembro, baixo o lema de “Libros solidarios”, conseguiu reunir 830 quilos de alimentos e 280 quilos de produtos de hixiene que se destinarán a Cáritas Redondela.
As bibliotecas participantes queren expresar o seu agradecemento aos redondeláns pola xenerosidade das súas achegas, aos colaboradores, El Patito Editorial, Fundación Filomena Rivero Alonso e Biblioteca do CEIP San Salvador de Teis, pezas fundamentais para o éxito desta campaña, e non se queren esquecer dos voluntarios de Cáritas Redondela, agradecendo o labor que levan a cabo día a día e ano tras ano.
A campaña continúa aberta ata o día 19 de decembro na Axencia Municipal de Lectura de Chapela.
