Actuará este domingo 1 de marzo, ás 19:00 horas no Auditorio de Ribadumia
A concellería de Cultura de Ribadumia propón para este fin de semana unha actuación do grupo Etnográfico A Buxaina, que permite aos asistentes pasar un intre agradable e divertido a través da música e baile dunha trintena de artistas. Haberá un espectáculo de oito parellas de baile ó ritmo de músicos e pandereteiras.
A grupo comeza a súa andaina folclórica no ano 1985 e camiña da man do Centro recreativo artístico e cultural de Coruxo (CRACC) onde os seus integrantes ensaian. Ademais levan a cabo a organización anual de numerosos proxectos relevantes para a súa parroquia como poden ser festivais e diferentes homenaxes.
Ademais, o grupo conta cunha prometedora canteira de bailaríns e pandereteiras da súa escola infantil, o que supón para a Buxaina o medio para continuar coa súa labor de mantemento da cultura galega, botando man das novas xeracións que seguen os seus pasos.
A entrada é de balde, ás 19:00 horas no Auditorio Municipal de Ribadumia.
