Inicio Pontevedra O Salnés A Banda de Música Municipal de Ribadumia celebra o seu XX aniversario

A Banda de Música Municipal de Ribadumia celebra o seu XX aniversario

a-banda-de-musica-municipal-de-ribadumia-celebra-o-seu-xx-aniversario

Nun auditorio cheo ata os topes, a Banda de Música Municipal de Ribadumia celebraba o pasado domingo, 25 de marzo, o seu vixésimo aniversario.

Foron moitos os veciños e veciñas que quixeron apoiar á agrupación nesta data tan sinalada, para a que o conxunto elixiu os mellores temas do repertorio que levan acumulado dende o seu nacemento, no 1998. Con arte y delicadeza, de Alfonso Salvatierra Mesa; A Santiago voy, composta por Ricardo Ceratto; a obertura de Orfeo nos Infernos, de Offenbach; El Torico de la Cuerda, pasodobre de Luís Serrano Alarcón; a fantasía Coppélia de Léo Delibes; Calamber, de Xosé Luís Represas e Una tarde en Zaragoza, xota de Higinio Cambeses, resoaron no Auditorio de Ribadumia para homenaxear os vinte anos de historia dunha banda pola que pasaron numerosos intérpretes e directores e que conseguiu, sen dúbida, un posto como referente da música na comarca.

Os directores José Carlos Gómez Palacios, José Manuel López “Josele” e José Vega Real, xunto ao actual director titular da banda, Alberto Rocha Soto, e aos músicos que a compoñen, ofreceron un recital cheo de lembranzas e recoñecementos a todos os que participaron, dun xeito ou doutro, na historia do conxunto ribadumiense.

A Banda de Música agradece tamén a colaboración do Concello de Ribadumia e da Deputación de Pontevedra.

- Publicidade -

ÚLTIMA REVISTA

+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies