·Publicidade ·spot_img
InicioGaliciaA CoruñaA aceleradora de empresas CoLogistics Business Accelerator ( CBA) busca emprendedores na...

A aceleradora de empresas CoLogistics Business Accelerator ( CBA) busca emprendedores na Eurorrexión

A aceleradora de empresas CoLogistics Business Accelerator ( CBA) busca emprendedores na EurorrexiónA primeira aceleradora galega de empresas ao redor da loxística e a cadea de subministración, a CoLogistics Business Accelerator ( CBA), foi presentada hoxe oficialmente, na Confederación de Empresarios de Pontevedra.

O Vicepresidente Segundo e Conselleiro de Economía, Empresa e Innovación da Xunta de Galicia, Francisco Conde, Jesús Vázquez Almuíña, Presidente da Autoridade Portuaria de Vigo ( APV),e o Presidente da Confederación de Empresarios de Pontevedra (CEP), Jorge Cebreiros, interviñeron presencialmente no acto. Tamén participaron Diego Piñeiro, responsable de Enxeñería de Selmark; Pedro Martínez Verges, director xeral de Grupo Marsan, e Adolfo García- Ciaño, responsable territorial de Galicia Sur do Banco Sabadell.

A CBA ten un dobre obxectivo: resolver os retos tecnolóxicos en loxística ou cadea de subministración das empresas que forman parte da aceleradora e buscar, seleccionar e consolidar 20 iniciativas de emprendemento innovadoras, viables e escalables, que permitan facer fronte aos retos expostos polas empresas.

“A CBA é un proxecto destinado ás empresas da Eurorrexión Galicia Norte de Portugal, espazo no que compartimos obxectivos e retos cos nosos socios portugueses. Esperamos atraer a atención de emprendedores lusos ou galegos con ideas aptas para o sector da Loxística, e axudarlles a desenvolver as súas candidaturas e obter todo o potencial posible dos seus proxectos”, sinalou Cebreiros durante a súa intervención.

Pola súa banda, Vázquez Almuíña lembrou a importancia do sector loxístico e a súa demostración de fortaleza ao garantir o normal funcionamento das empresas e a sociedade durante a pandemia e agradeceu o seu labor esencial. Cualificou de obxectivo irrenunciable da CBA, nacida no marco do proxecto CoLogistics, de mellorar a competitividade do tecido produtivo e a súa ambición de diminuír o impacto ambiental da actividade loxística e empresarial.

Nisto último coincidiu Conde. “A CoLogistics Business Accelerator contribuirá a que o sector Loxístico de Galicia atope o seu futuro a través da innovación e o respecto ao medioambiente. Esta aceleradora está aliñada coa estratexia de optimización da Loxística impulsada desde a Xunta de Galicia a través do Igape, que conta cun orzamento de máis de 11 millóns de euros para iso”, puntualizou. “Galicia pensa no futuro e anticípase atendendo as necesidades das empresas e poñendo o foco no emprego e a recuperación económica”, concluíu.

A aceleradora conta coa participación de 14 empresas de Galicia: Altia Logistic Software, Altrans Fast Cargo, Babé e Cia, Bandalux, Coca Cola, Codisoil, Darlim, Deltacargo, Frigalsa, Grupo Marsan, Fillo de Carlos Albo, Kartin, Pérez-Torres Marítima e Selmark.

No Norte de Portugal participan outras nove empresas: Argatintas, Campicarn, Ferrinha Filhos – indústrias, Lda., Injex, Leica, Lourofood, MTEX, Tesco, TN Nogueira e Grupo Montiño. A convocatoria da captación de emprendedores para a CBA no Norte de Portugal, a cargo da Associação Empresarial de Portugal ( AEP), terá lugar mañá, martes 25 de maio.

Todas teñen en común que expoñen retos tecnolóxicos que requiren dunha solución que podería darse a través do desenvolvemento de software, sistemas de xeolocalización, visión artificial, dixitalización, robótica ou xemelgo dixital, entre outros. A información de todos e cada un dos retos está dispoñible na web de CBA: www.cba.cologistics-project.eu/es.

Ao lanzamento, realizado en modalidade mixta, presencial e telemática, tamén asistiu o director do Igape, Fernando Guldrís; o reitor da Universidade da Coruña; a vicerreitora da Universidade de Vigo, Natalia Caparrini, así como representantes de Asime, Ageinco, Ineo, Aje Pontevedra, Agaemp e a Asociación de Empresarios do Polígono da Granxa, todas elas adheridas á Confederación.

Tamén estiveron presentes representantes do Agrupación industrial TIC; AJE Vigo; Gradiant; a Cámara de Comercio de Tui, EF Business School, Cesga, CIS Tecnoloxía e Deseño e Dihgigal. Cabe lembrar que a aceleradora é unha iniciativa enmarcada no proxecto europeo CoLogistics que, ademais da CEP e a Xunta de Galicia -a través do Igape e a Dirección Xeral de Mobilidade da Consellería de Infraestruturas e Mobilidade-, ten entre os seus socios promotores á Autoridade Portuaria de Vigo, a AEP, a Administración do Sistema Portuario do Norte de Portugal ( APDL) e a Càmara Municipal Famalicâo).

Os interesados en participar como emprendedores poden solicitar máis información na CEP, a través do correo electrónico internacional@cep.es.

 

- Publicidade -spot_img

Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies