Cun percorrido de 15 km paralelo á costa sur da provincia pontevedresa, entre as localidades de Oia e A Guarda, pasando polo Rosal, a 15K Banco Mediolanum é a proba ideal para que os ‘runners’ gozen dos encantos que ofrece a comarca do Baixo Miño.
A 15K disputóuse un ano máis cunha participación de máis de 800 participantes. A proba tamén contou cunha andaina popular na que os 150 participantes fixeron un percorrido de 12 km. Carreira e andaina sairon dende o campo de fútbol de Oia e a chegada foi no porto marítimo da Guarda.
Elías Salvador Domínguez e Esther Navarrete gañadores da proba
O gañador impúxose nunha apertada chegada a Javier Paredes, mentres a gañadora logrou a vitoria ao superar con claridade á súa compañeira de equipo Sandra Mosquera.
A 15K Atlántico Mediolanum tamén rendeu unha emotiva homenaxe a María Fritiría, ciclista porriñesa que faleceu hai unha semanas cando descendía o Angliru. Participara en todas as edicións da proba entre Oia e A Guarda.
Para toda a familia, este evento esta consolidado como unha das mellores probas destas características que se realizan en Galicia.Naceu fai catro anos e conta xa cun gran prestixio e o apoio dos 3 concellos polos que pasa. Esta prueba ten carácter solidario, todos os corredores achegan un euro ao proxecto solidario Mediolanum Aproxima, que trata de apoiar ás asociacións máis próximas.