Expresión Corporal, Memoria e Informática darán comezo o 1 de febreiro. O prazo de inscrición é ata o 19 de xaneiro a través do departamento de Servizos Sociais
O Concello de Nigrán pon en marcha dende o 1 de febreiro obradoiros de Expresión Corporal, Memoria e Informática para maiores de 60 anos, pensionistas e empadroados no municipio, dando preferencia ás persoas que non teñan participado en estas actividades en anos anteriores. Todos eles se impartirán no Centro da Terceira Idade da Ramallosa e as prazas son limitadas, polo que os interesados deberán dirixirse ao Departamento de Servizos Sociais do Concello para solicitarlos entre os días 9 e 19 de xaneiro (cita previa no teléfono 986.365.000).
O obradoiro de iniciación memoria levarase a cabo os martes de 17:00 a 18:30 horas e o de mantemento de memoria os xoves tamén de 17:00 a 18:30 horas. O taller de expresión corporal e actividades sociorelacionais martes e xoves de 9:30 10:30 e o de informática, martes e xoves en horario de mañá.
“Apostamos por políticas que garantan a calidade de vida dos maiores, como este tipo de cursos, turismo social e mesmo o centro especializado en demencias neurodexenerativas”, indica o alcalde de Nigrán, Juan González, en referencia ao pioneiro programa municipal que se leva adiante no CEE de Panxón. Nesta liña, o Concello repetirá o exitoso programa de turismo social destinado á terceira idade co obxectivo de dar a coñecer aos maiores outros lugares de Galicia. “En definitiva, son cuestións todas que contribúen á súa mellora do ánimo, aumento da creatividade, mellora da capacidade de resolver problemas, estimulación da actividade cerebral ou reconstituínte da memoria e da atención”, suliña o rexedor, quen engade que “a todos estes beneficios hai que engadirlle que se socializarán e, en definitiva, sentiranse máis felices e vitais”.
