Inicio Vigo e área Vigo Zona Franca de Vigo lanza CulturaExterior, a aceleradora para que as empresas...

Zona Franca de Vigo lanza CulturaExterior, a aceleradora para que as empresas do sector cultural accedan a novos mercados

Porto do Molle é centro piloto no programa europeo de reutilización de augas domésticas como fertilizantes agrícolasAs 15 empresas participantes desenvolverán o seu plan de internacionalización, obterán unha guía das principais feiras internacionais e misións comerciais de interese e un roadmap personalizado das axudas dispoñibles

O Consorcio da Zona Franca de Vigo, na súa aposta pola internacionalización, lanza a aceleradora CulturaExterior, un novo programa formativo e de capacitación para que as empresas galegas do sector cultural e creativo accedan a novos mercados. Desde editoriais ata empresas de produción ou distribución artística e musical, artes escénicas ou videoxogos; todas elas poderán desenvolver o seu plan de internacionalización. CulturaExterior tamén está aberta a empresas de comunicación, publicidade e eventos, entre outras.

O programa pretende reducir os tempos e aumentar as posibilidades de éxito no proceso de internacionalización. Para iso, un equipo de expertos, especializado no sector cultural e creativo, ofrecerá asesoramento personalizado ás 15 pemes seleccionadas durante un período de 3 meses. Ademais, as empresas participantes en CulturaExterior obterán unha guía das principais feiras e misións comerciais de interese, así como un roadmap personalizado das axudas ás que poden optar para alcanzar novos mercados.

O enfoque da aceleradora CulturaExterior será de carácter práctico e permitirá fomentar o networking con outras empresas do sector. O programa formativo desenvolverase en horario de tarde un día á semana desde principios de febreiro ata abril.

Poderán participar, sen ningún tipo de custo, as pequenas e medianas empresas do sector cultural e creativo que teñan interese en acceder a novos mercados internacionais, con independencia da súa experiencia en comercio exterior. O programa formativo adaptarase ás necesidades de cada participante mediante titorías personalizadas.

As empresas interesadas en participar deberán inscribirse antes do 20 de xaneiro.

A internacionalización, unha das prioridades do CZFV

CulturaExterior nace da aposta firme do Consorcio da Zona Franca de Vigo pola internacionalización das empresas galegas e tras o éxito das dúas primeiras edicións de ViaExterior. Neste caso, a aceleradora multi-sectorial para a internacionalización posibilitou que os seus participantes logren abrir novas sedes fóra das nosas fronteiras” dixo David Regades quen engadiu que “tras o seu paso por ViaExterior, as empresas iniciaron novas posibilidades no continente europeo, nos países de Latinoamérica e mesmo en Asia e en África.” Por outra banda, algunhas destas pemes estableceron un marco de colaboración para poñer en marcha novos proxectos empresariais e outras lanzaron novos produtos adaptados aos mercados internacionais.

- Publicidade -

ÚLTIMA REVISTA

- Publicidade -


+ VISTOS

ETIQUETAS

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies