O Concello de Baiona en colaboración cos concellos de Nigrán, Gondomar e a Deputación Provincial de Pontevedra organizan un ano máis, A FESTA DA BICICLETA 2015, que alcanza nesta edición a súa XXVII Aniversario e que consegue ano tras ano o traballo conxunto dos servizos de deportes do tres concellos e das súas respectivas policías locais.
O próximo domingo día 17 de Mayo “A Festa da Bicicleta” parte de Baiona a partir das 10.30 horas desde o parque da palma, así que todos os interesados/as en participar deberán presentarse o día 17 de Maio a partir das 9.45 horas coa súa correspondente bicicleta e casco no Parque da Palma (será totalmente obrigatorio o uso do casco e ter máis de 7 anos para poder participar) para formalizar a súa inscrición e recoller o seu correspondente dorsal identificativo.
A festa está organizada e deseñada para todas aquelas persoas (maiores de 7 anos) que sexan capaces de chegar ao ritmo do pelotón desde os seus diferentes puntos de saída, cada concello o seu até Baiona e volver, a excepción do concello de Baiona que este ano irá recoller ao concello de Nigrán, á chegada sobre as 12.00 h realizarase un sorteo entre os participantes de material deportivo e a novidade máis importante é que este ano se anima aos participantes que así o desexen “participar ataviados con roupa antiga e volver ás orixes da bicicleta para darlle unha animación clásica e diferente á nosa tradicional festa” e tentar pór os cimentos e orixe do que esperamos sexa nosa particular TWEED RIDE que xa se desenvolven por media europa.
En canto aos participantes de Gondomar a súa saída esta disposta no Concello de Gondomar ás 10.45 h e percorrerán desde Gondomar a Baiona ida e volta, será necesario estar polo menos 45 min antes da saída para tramitar a inscrición e recoller os dorsais.
E para os participantes de Nigrán, a súa saída esta disposta desde o Concello, ás 11.00 h e percorrerán desde Nigrán a Baiona ida e volta, será necesario estar polo menos 45 min antes da saída para tramitar a inscrición e recoller os dorsais.
Para maior información dirixirse ao pavillón de Deportes Municipal ou chamar ao T: 986.356.558 e tamén se dispón de e-mail; deportes@baiona.org.
