spot_img
InicioVal MiñorBaionaXornada de Portas Abertas no Obradoiro de Emprego Terras del Miñor III

Xornada de Portas Abertas no Obradoiro de Emprego Terras del Miñor III

Xornada Portas Abertas Obradoiro Terras do Miñor IIIO próximo 10 de marzo terá lugar unha Xornada de Portas Abertas, organizada polo Obradoiro de Emprego Terras do Miñor III, na Residencia de Tempo Libre de Patos.

Nesta Xornada participarán 7 empresas (PernodRicard, Finest-Call, Duni, Trisk-Ale, Unilevel, Artemar e GIN SEXA) que dispoñerán dun posto para dar a coñecer os seus produtos.

O presidente da Mancomunidade, Fernando Guitián, destacou na presentación das Xornadas “o importante traballo que se realiza no Obradoiro, sendo clave directa para integrarse no mundo laboral”, recalcou a importancia deste tipo de Xornadas que “permiten ao mesmo tempo achegar as persoas que se están a formar aos empresarios”.

Esta ocasión terá dobre conxuntura, será unha grande oportunidade para os alumnos de conseguir un emprego e para os hostaleiros que terán a posibilidade de encontrar, nestes alumnos- traballadores man de obra de cualificada, que cada día é imprescindible para os empresarios, véndose reflectida na satisfacción do cliente final.

Dende a Mancomunidade xunto con José L. Abraira Arias, Director do Obradoiro de Emprego, invitan a participar o próximo 10 de marzo nesta Xornada de Portas Abertas onde os alumnos do Obradoiro de Emprego Terras do Miñor III, estarán a esperalos para dar a coñecer todas as súas habilidades e coñecementos adquiridos durante estes meses de formación.

- Publicidade -spot_img