Inicio Pontevedra Unha curta sobre o xacemento da Lanzada e outra sobre o Castrolandín,...

Unha curta sobre o xacemento da Lanzada e outra sobre o Castrolandín, primeiros premios do Festival “Telearqueoloxía”

unha-curta-sobre-o-xacemento-da-lanzada-e-outra-sobre-o-castrolandin-primeiros-premios-do-festival-telearqueoloxiaOs premios do público foron para ‘A pedra dos nenos’ da S.D. Catoira e para ‘Veni Vidi’ de Noelia Comesaña

A curtametraxe ‘Castrolandin’ realizada polo alumnado de 1º da ESO do CPI Aurelio Marcelino Rey Gacía de Cuntis foi a gañadora do primeiro premio, dotado con 1.500 euros, no Festival ‘Telearqueoloxía’ na categoría Lascas -menores de 18 anos-. Na categoría Bifaces, a curta gañadora do primeiro premio, dotado con 3.000 euros, foi ‘Os restos do pasado: unha viaxe pola Lanzada’ realizado por José David Gamallo Mouteira.

O segundo premio na categoría Lascas, dotado con 1.250 euros, foi para  “A pedra das ferraduras ” de Iria García Porto, Johanna Peña Martínez e Óscar Martínez Solla do IES Alvaro Cunqueiro  de Cotobade. Na categoría Bifaces, e cunha dotación de 2.000 euros, a curta gañadora foi “EQUUS: Ferus Atlanticus”, realizado por Xilberte Manso de la Torre  e Xosé Lois Vilar Pedreira. O premio do público, con 750 euros na categoría Lascas, foi para ‘A pedra dos nenos’ da S.D. Catoria, e para ‘Veni Vidi’ de Noelia Comesaña na categoría Bifaces e unha dotación de 1.500 euros.

A entrega destes premios, que tivo lugar esta tarde no Sexto Edificio, estivo presidida polo deputado de Cultura e Lingua, Xosé Leal, e polo director do Museo, Carlos Valle, e contou tamén coa participación de todas as persoas que formaron parte do xurado -profesionais do mundo da arqueoloxía, a investigación, a divulgación histórica e especialistas en medios audiovisuais-. Os criterios aplicados nesta valoración atinxiron cuestións tales como a calidade do guión; a creatividade; a montaxe: ritmo, calidade de imaxe e son; a ambientación e escenografía; a adecuación da imaxe coa narración: interpretación e voz en off; e o rigor histórico.

O xurado visionou e valorou todas as curtametraxes que cumpriron as bases publicadas, que na  categoría Lascas -as realizadas polos menores de 18 anos e que duran un máximo de 5 minutos- foron  25, mentres que na categoría Bifaces -maiores de 18 anos e cunha duración máxima de 15 minutos- foron 24.  O  pasado luns día 12 o xurado preseleccinou  10 curtametraxes da categoría Bifaces   que foron as que se poideron visionar estes días no Salón de Actos do Sexto Edificio ,  e decidiu que  na categoría Lascas se proxectasen as 25 valoradas.

Hai que lembrar que as curtametraxes presentadas ao festival ‘Telearqueoloxía’ versan ao redor de investigacións sobre o patrimonio arqueolóxico, nas que se pon de relevancia o patrimonio presente na provincia de Pontevedra ou nos fondos do Museo de Pontevedra. O Festival estableceu dúas categorías, para menores de 18 anos, denominada ‘Lascas’, e outra para maiores de 18 anos denominada ‘Bifaces’. Na primeira presentáronse 30 curtas, sobre todo procedentes de alumnos de institutos de toda a provincia, que abordaron temáticas como a cultura castrexa, os petroglifos, a cultura vikinga, a cultura romana, a espada de Brandomés, o traballo das excavacións e tamén os diferentes instrumentos musicais do Neolítico. Na categoría ‘Bifaces’ o número de curtas presentadas foi de 26, sendo participantes entidades como o CIFP Carlos Oroza (con seis traballos), a Escola de Audiovisuais de Vigo e o Instituto de Ciencias do Patrimonio (INCIPIT), a asociación da Costa dos Castros, o Instituto de Estudos Miñoranos, así como persoas individuais e produtoras. A temática a abordar nestes casos centrouse sobre todo no significado da arqueoloxía para as persoas e os pobos, pero tamén houbo curtas relacionadas coas torres de defensa na Idade Media, os dolmen, os castros, petroglifos, ou os ‘Equus: ferus atlanticus’, cabalos primitivos dos montes de Galicia.

Máis información-Telearqueoloxía 2016

 

- Publicidade -

ÚLTIMA REVISTA

Publicidade

+ VISTOS

Publicidade
Publicidade



Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies