spot_img
InicioBaixo MiñoTomiño e Cerveira dan un paso máis na súa historia de cooperación...

Tomiño e Cerveira dan un paso máis na súa historia de cooperación transfronteiriza, constituíndose en Eurocidade

Tomiño e Cerveira dan un paso máis na súa historia de cooperación transfronteiriza, constituíndose en EurocidadeTomiño e Cerveira dan un paso máis na súa historia de cooperación transfronteiriza, constituíndose en Eurocidade

A historia do irmandamento existente dende hai moitos anos entre Tomiño e Vila Nova de Cerveira, deu hoxe un paso máis coa constitución da Eurocidade Cerveira-Tomiño.

Hai catro anos creouse a Axenda Estratéxica de Cooperación Amizade Cerveira-Tomiño, cunha programación anual conxunta de actividades culturais e deportivas, con participación da cidadanía, dentro do denominado “Orzamento Participativo Transfronteirizo” (OPT). Todo ese traballo conxunto derivou na aprobación da constitución da Eurocidade Cerveira-Tomiño, coa que ambos os dous concellos buscan seguir avanzando na cooperación e na xestión compartida de equipamentos e servizos públicos.

O acto oficial tivo lugar hoxe no medio da Ponte Internacional da Amizade, coa presenza dos dous rexedores locais, Fernando Nogueira e Sandra González; da xefa territorial en Pontevedra da Vicepresidencia e Consellería de Presidencia, Administracións Públicas e Xustiza da Xunta de Galicia, Marta Mariño, e da vicepresidenta da Comissao de Coordinaçao e Desenvolvemento Regional do Norte (CCDR-N), Ester Silva. Tamén asistiron representantes da Armada Española e da Marina Portuguesa; da Comunidade de Traballo Galicia- Norte de Portugal, valedoras transfronteirizas, concelleiros, concelleiras e o deputado provincial Uxío Benítez.

Abriu o acto a Academia de Música Fernandes Fao de Vila Nova de Cerveira, logo do cal as concelleiras de Cultura de Cerveira e Tomiño, deron lectura a unha addenda á Carta da Amizade Cerveira-Tomiño, necesaria para a constitución da Eurocidade.

A continuación, tomou a palabra a alcaldesa de Tomiño, para comezar lembrando a longa historia de cooperación entre as dúas vilas, coa participación veciñal coma piar fundamental. “Estou convencida de que a participación dos veciños e veciñas será tamén o éxito da Eurocidade. Será moi importante que a sintan como súa, como unha ferramenta máis para buscar solucións compartidas para necesidades comúns”, salientou.

A situación estratéxica de Tomiño e Cerveira foi outro dos puntos que enunciou con optimismo.  “Temos próximas metas nesta Eurocidade, como a consolidación dese gran parque transfronteirizo a través da pasarela peonil”, avanzou, lembrando ao mesmo tempo a necesidade de solucionar a nivel estatal, trámites que permitan unha maior mobilidade na fronteira e consolidar unha vella aspiración da raia, coma é un tren que una o Eixo Atlántico.

O presidente da Cámara de Cerveira, pola súa banda, salientou a consolidación real da vontade política e cidadá de traballar e convivir xuntos. “Hoxe estamos a dar un paso histórico para o ben das nosas comunidades, con mellores condicións de vida e excelentes relación” precisou o mandatario luso.

O peche do acto estivo a cargo dun dúo da Agrupación Musical de Goián.

- Publicidade -spot_img