A gala de entrega dos galardóns terá lugar o sábado 7 de setembro, a partir das 20.00 horas, no Monte Real Club de Yates de Baiona
Bodegas Terras Gauda afianza o seu compromiso cos Premios Nacionais de Vela, que patrocina desde fai máis de trinta anos. Un respaldo que puxo de manifesto durante a presentación destes galardóns e do 39º Trofeo Príncipe de Asturias, que tivo lugar no Monte Real Club de Yates de Baiona.
O director xeral do Grupo Terras Gauda, Iago Becerra, indicou que “a proximidade de Bodegas Terras Gauda ao mar e a influencia que exerce o Atlántico no carácter dos nosos viños son dous factores que decantan esta unión ao mundo da vela, coa que compartimos valores: traballo en equipo, esforzo e, sobre todo, a ilusión coa que levamos a cabo os nosos labores. Uns valores que nos obrigan cada día para tentar ser mellores, outro elemento que, sen dúbida, compartimos con todos os galardoados nestes Premios Nacionais de Vela Terras Gauda”.
Gala de entrega
Pola súa banda, o presidente do Grupo Terras Gauda, José María Fonseca Moretón, participará na gala de entrega dos Premios Nacionais de Vela, que se celebrará este sábado 7 de setembro, a partir das 20.00 horas, no Monte Real Club de Yates de Baiona. Durante a cerimonia, os galardoados recibirán o correspondente recoñecemento público.
Palmarés de premiados
O palmarés de premiados nesta edición está composto por: Toño Gorostegui, pola súa traxectoria deportiva; Eurofrits, mellor barco monotipo español; Martín e Jaime Wizner, mellor tripulación de vela lixeira; Carlos Manera, navegante solitario máis destacado; a tripulación do España Sail GP, distinguido como o equipo de regata de referencia; Diego Botín e Florian Trittel, premio ao mellor equipo olímpico polo seu ouro nos JJOO de París, e Curt Edicións, premio á prensa.
