O tema de cada sesión xa se pode atopar no novo Centro de Interese do salón principal
Con motivo da inauguración do novo Centro de Interese centrado no autoaprendizaje de artesanía, bricolaxe e diversos labores prácticos, a Biblioteca Municipal “Luís Seoane” de Soutomaior iniciou un ciclo de talleres de manualidades que relaciona o tema de cada sesión con elementos literarios. O primeiro encontro produciuse esta semana cunha sesión dedicada ao Kumihimo, a milenaria técnica de trenzado e fiado xaponesa.
Un Centro de Interese é unha colección na que se recollen publicacións de todo tipo relacionadas cun mesmo tema. Situado nun lugar destacado, supón unha clasificación máis intuitiva das bibliotecas que as tradicionais. Para sacar o máximo partido ao novo centro e ampliar o público deste novo sistema, a Biblioteca Municipal deseño esta serie de talleres para todas as idades. O obxectivo é establecer unha relación entre a práctica de manualidades útiles e elementos literarios de distintas épocas e culturas.
Os talleres son totalmente gratuítos e realízanse en xornadas diferentes segundo os participantes, os adultos asistirán os martes ás 17:45 mentres os máis pequenos farano os mércores ás 16:15, ambos os grupos baixo a dirección da artesá Elisabet Hillerud. Cada sesión dura aproximadamente unha hora e terá lugar na segunda planta da biblioteca. A actividade está aberta a toda a poboación e conta con 10 prazas por grupo, aínda que terán preferencia os solicitantes empadroados no Concello de Soutomaior.
O primeiro encontro produciuse esta semana, con gran aceptación, centrado na técnica tradicional xaponesa de fiado e trenzado mediante a fabricación de pulseiras Kumihimo “Colas de rato”. Un elemento co que os asistentes aproveitaron para coñecer con algunhas das grandes pezas literarias da tradición nipoa e establecer unha relación coas súas obras.
Para o resto do mes están previstos dous encontros máis. A próxima semana o grupo adulto gozará dunha sesión dedicada ao Crochet, un material de tea destinado a dar os primeiros puntos de gancho, mentres os máis pequenos aprenderán a construír unhas pequenas casas de xoguete. O tema literario para a sesión de adultos versará sobre as obras “O club dos venres” e “O club da calceta”.
A última semana do mes o nenos e nenas aprenderán a construír uns prácticos taboleiros con recordatorios para as súas habitacións e o grupo dos pais centrarase na decoración da casa nas festas infantís e a fabricación de bandeiras decorativas. Esta sesión terá a súa ligazón literaria coa obra de Gabriela Mistral sobre a poesía para nenos ademais doutros autores.
Esta actividade realizarase até final de ano e conta con outros talleres programados como os dedicados á vida e obra de Frida Kalho e Diego Rivera en relación coa afamada bixutaría que lucía en numerosas ocasións a pintora mexicana, unha selección de literatura inglesa da época Victoriana cun taller de diademas e broches ademais do encontro sobre Dickens e outros contos en relación coa decoración do Nadal e moitas outras sorpresas.
